Drježdźany (dpa/SN). W zwisku z hubjenym wuslědkom strony na wólbach krajneho sejma w Saksko-Anhaltskej žada sej Domizniska unija w sakskim krajnym zwjazku CDU, zo dyrbi so strona zaso bóle k swojim konserwatiwnym korjenjam nawróćić. „Trjebamy jasnu CDU bjez stajnych kompromisow z lěwymi stronami“, podšmórnje wona. Wot nawody sakskeho knježerstwa Michaela Kretschmera žadaja sej, zo koaliciju z SPD a konsultaciski mechanizm w sakskim sejmje zakónči. Dale ma wón „sprawne mjeńšinowe knježerstwo“ wutworić.
Jednanja bjez wuslědka
Kyjiw/Moskwa (dpa/SN). Po jednanjach pósłancow USA Steve Witkoffa a Jareda Kushnera w Moskwje a w Kijewje kónc tydźenja tuchwilu dale jasne njeje, kotre namjety su za móžny přiměr wójnskim stronam docyła předpołožili. Njejasne tež je, hač su direktne jednanja mjez Ukrainu a Ruskej pod posrědkowanjom USA zaso móžne. Tajki trilateralny format by hladajo na zakónčenje wójny jara spomóžny był, praji Kushner na kóncu wopyta w ukrainskej stolicy w tutym zwisku.
Dnowna woda w Sakskej niska
