Pjeć serbskich mjez dohromady 21 premjerami hrajneje doby 2026/27

Budyšin (SN/bn). Wjerški hrajneho plana kaž tež změny resp. nowostki nastupajo personal běchu ćežišćo wčerawšeje nowinarskeje konferency, na kotrejž Němsko-Serbske ludowe dźiwadło (NSLDź) zastupjerjam medijow sezonu 2026/2027 předstaji. Nowy wyši hrajny nawoda Alexander­ Marusch, nowa nawjedowaca dramaturgowka Judith Zieprig, zastupjerjej intendanta za serbske dźiwadło Julija Klingnerec a Marian Bulank kaž tež nawoda sparty klankodźiwadło Tim Heilmann připowědźichu dohromady 21 premjerow. Prěnja z nich wotměje so hižo zapřichodnu sobotu w Haslowje, hdźež pokazaja prěni raz hornjoserbsku wersiju komediantiskeje hudźbneje rewije Měrka Brankačka „Juhu! Floppy Dolls su zaso tu“.