Dešno (NC/KP). Pod titulom „Stary lud a fryšny duch – eine malerische Zeitreise“ wotewrě nawodnica muzeja Kathrin Šwjelina předwčerawšim nowu wustajeńcu w Dešnjanskim domizniskim muzeju. Přehladka pokazuje skicy, rysowanki, akrylowe mólby, akwarele a druhe wobrazy dohromady 13 wuměłčow a wuměłcow z cyłeje Łužicy. Nastali su twórby loni w septembrje we wobłuku molerskeje dźěłarnički Spěchowanskeho kruha za serbsku ludowu kulturu pod nawodom Maje Nageloweje w Dešnje.