Berlin (dpa/SN). Dlěje hač štyri lěta po tym zo běše Patricia Schlesinger w zwisku z wumjetowanjemi znjewužiwanja a brojenja zjawnych srědkow swoje zastojnstwo jako intendantka RBB zhubiła, dźensa na Berlinskim krajnym sudnistwje proces přećiwo njej zahaja. Berlinske generalne statne rěčnistwo 65lětnej a třom sobuwobskorženym mjez druhim njeswěru wumjetuje. Schlesinger sama wumjetowanja wotpokazuje.
Zahaja měrowe jednanja
Abu Dhabi (dpa/SN). Po wosom měsacow trajacej přestawce zeńdźetej so Ruska a Ukraina z posrědkowanjom USA wot dźensnišeho na měrowe jednanja w stolicy Zjednoćenych arabskich emiratow, Abu Dhabiju. Prezident USA, Donald Trump, je minjene dny w zwisku ze zetkanjom „wo bórzomnym wulkim rjanym dojednanju“ rěčał. Eksperća pak w tutym kole jednanjow wulke wuspěchi njewočakuja.
Přiwótřa škitne naprawy
