Berlin (dpa/SN). Dźěći dóstawaja přichodnje wot stata 10 eurow wob měsac jako startowy kapital za priwatne zawěsćenje w starobje. Zwjazkowa rada je „rentu ze zažnym startom“ dźensa, pjatk, wobzamknyła. Wot ródneho lětnika 2020 přewostajeja dźěćom pjenjezy wot šěstych narodninow. Posedźenje nawjedowaše prěni raz ministerski prezident Sewjerorynsko-Westfalskeje Hendrik Wüst (CDU), kiž wukonja aktualnje zastojnstwo prezidenta zwjazkoweje rady.
EU spokojom njeje
Antalya (dpa/SN). Krótko do planowaneho kónca klimoweje konferency UN mjerza so EU nad stawom jednanjow. Štož dźensa dopołdnja hišće jako kónčna akta na blidźe ležeše, njemějachu zastupjerjo unije za akceptabelne. „Tole njesměło so z konferencu za fosilne palidła stać“, rěkaše hladajo na kónčnu aktu. Na zetkanju je so 200 statow wobdźěliło. Kaž hižo w zašłych lětach njemóžachu pak so zastupjerjo na ničo konkretneho dojednać.
Ukrainu dale podpěraja





