Pokiwy (20.11.26)

pjatk, 20. nowembera 2026
artikl hódnoćić
(0 )

Termin so změnił

Slepo. Planowany wustup band Floppy Dolls jutře, sobotu, w w 17 hodź w Slepjanskim Serbskim kulturnym centrumje (SKC) wupadnje. Nachwatanski termin w samsnym času na samsnym městnje je 27. februar. Zastupne lisćiki dóstanjeće hižo nětko w Němsko-Serbskim ludowym dźiwadle abo w SKC. Přichodne předstajenje skupiny wotměje so tuž 6. decembra we 17 hodź. we Kulturnym domje w Sulšecach njedaloko Kulowa. Do toho změja hosćo składnosć, sej při bjesadźe adwentny kofej­ słodźeć dać. Nimo toho prezentuja program „Juhu! Floppy Dolls su zaso tu“ klětu 17. januara we 17 hodź. w Ra­debeulu.

Nakup we wosebitym swětle

Kamjenc. W Kamjencu je dźensa, pjatk, składnosć, po rjenje wobswětlenych hasach so přechodźować a zdobom hodowne dary nakupować. Wot 18 do 22 hodź. mnohe wobchody dlěje wočinja. Zdobom poskića kulturelny ramikowy program. Wosebity wjeršk wječora we wosebitej atmosferje twori modowa přehladka. Zarjadowanje stej towarstwo Cityinitiative Kamenz a Citymanagement zhromadnje přihotowałoj.

Rjemjesło za wšitkich

wozjewjene w: Pokiwy
wjace z tohole wobłuka: « Pokiwy (13.11.26)
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo