Wo přihotach lětušich Krabatowych swjedźenskich hrow w Čornochołmčanskim młynje informowachu organizatorojo a wuměłcy we wobłuku nowinarskeje rozmołwy.

Wojerecy (JK(SN). Po dwulětnej přestawce wotměja so lětsa zaso woblubowane a daloko znate Krabatowe swjedźenske hry w Čornym Chołmcu. K lětušej premjerje, kotraž budźe 14. julija, wotmě so wčera nowinarska rozmołwa we Wojerowskim awtowym domje Kieschnik, kotryž tute wulkotne kulturne zarjadowanje hižo lěta dołho podpěruje.

Praha/Budyšin (SN/CoR). Z dobrej bilancu je so Ludowe nakładnistwo Domowina z Praskich knižnych wikow nawróćiło. Wot minjeneho štwórtka hač do njedźele wobdźěleše so tam wjace hač 450 wustajerjow ze 165 stejnišćemi na dohromady 3 046 kwadratnych metrow wulkich wustajenišćach, nimo toho poskićichu lubowarjam literatury 465 zarjadowanjow ze 748 sobuskutkowacymi. Lětsa wotměchu so twarskich naprawow w Přemysłowym palasće dla wiki we wulkich stanach w parku na arealu w Holešovicach, štož při rjanym wjedrje k přijomnej atmosferje přinošowaše.

„Lit|a|pop“ je hesło 1. serbskeho „spoken-word“-eventa, kotryž wotměje so sobotu, dnja 18. junija, we wobłuku Kulturneje zahrody Serbskeho ludoweho ansambla w Budyšinje. Iniciěrowali běchu zarjadowanje młodeje literatury a hudźby intendant SLA Tomas Kreibich-Nawka a jednaćel Ludoweho nakładnistwa Domowiny Syman Pětr Cyž. Što wopytowarjow a wopytowarki na zarjadowanju wočakuje, što su zaměry projekta a kak hodźało móžne pokročowanje wupadać, wo tym staj so Bosćan Nawka a Jan Bogusz z nimaj rozmołwjałoj.

Dźěłarnička SLA a LND kónc měrca (Serbske Nowiny rozprawjachu) wěnowaše so „poetry slamej“ a „spoken word“. Što chowa so za tutymaj wurazomaj a hdźe su rozdźěle mjez nimaj?

„Zajimuju so hižo dołho za najwšelakoriše mjeńšinowe rěče, nětko pak sej prajach, zo je najwjetši čas, so tež z mjeńšinowej rěču rozestajeć, kotruž ludźo tež w mojim kraju rěča“, rjekny wčera studentka w Lipsku. Wčerawši serbski wječor bě znowa pokazał, zo je wažne zajimcam móžnosće skićić, dóstać hłubši dohlad do rěče a kultury našeho ludu. Wobkedźbowach, kak sej zajimcy cyłe łopjena połne notěrowachu jako wo serbskich nałožkach słyšachu, zo so stajnje zaso prašachu, kak rěč a kulturu dźensa dale pěstujemy a zo prosće po přednošku rum z posměwkom we wo­bliču wopušćichu. To wšo swědči wo tym, zo je tójšto zajima na našej rěči a našej kulturje. Za cyle wažne mam w tym zwisku, na kotre wašnje serbstwo předstajamy. Wčera je so to z interaktiwnymi poskitkami a žiwym wujasnjowanjom derje radźiło. Scyła mam mjeńšinowy tydźeń za wuběrny poskitk, a tak móžu jenož znowa rjec: Rěče a wosebje mjeńšinowe rěče kóždeho wobohaćeja! Jan Bogusz