Z wudaća: póndźela, 20 meje 2019

Pjeć ćežko zranjenych

Fischbach. Sobotu wo połnocy bě 29lětny wodźer VW Pasasta na zwjazkowej dróze B 6 z Biskopic do Fisch­bacha po puću. Za Großharthauwom zajědźe wón z dotal njeznateje přičiny na hórce naraz na lěwu stronu jězdnje a zrazy do jemu napřećopřijěduceho Audija A 6. Jeho 40lětny šofer, 40lětna sobujěduca a dwě dźěsći w starobje dweju a dźewjeć lět so při tym ćežko zranichu. Wšitkich na nje­zbožu wobdźělenych, tež zawinowarja, dowjezechu do bliskich chorownjow.

Zhromadnje přihotuja Wěteńčenjo nowe­ hrajkanišćo we wsy

Wěteńca (JK/SN). Jara konkretne předstawy wo tym, kak měło na nowym hrajkanišću we Wěteńcy wupadać, nimaja jenož tamniše dźěći, ale tež jich starši. Tak su minjeny štwórtk we wulkej ličbje na druhi termin přichwatali, zo bychu sej wo tym hłójčku łamali a ideje wuwiwali. Zhromadnje z krajinowej architektku Susann Uhlig z Radebergskeho planowanskeho běrowa Schubert a z Njebjelčanskim wjesnjanostu Tomašom Čornakom (CDU) rozmyslowachu woni na płoninje, na kotrejž Wěteńčenjo sportuja, ale tež zhromadnje swjeća, kajke móhło wjesne hrajkanišćo wupadać. Na ležownosći maja­ dźěći drje hižo někotre nastroje, ale te hižo w tajkim stawje njejsu, zo bychu dźěći wužadali. Čumpjel samo wjace wužiwać­ njemóža, dokelž je prěkuš přetłaty­.

Jako bu poslednja winowatostna koparska dypkowa partija hrajneje doby 2018/2019 wothwizdana, wjeseleše so hosćićel Eintracht Braunschweig, zo klasu wobchowa. Na tamnym boku běchu hrajerjo FC Energije bjeztróštni a přesłapjeni, dokelž njeběchu cil sezony docpěli. Přěhrali pak njeběchu Fabio Viteritti a sobuhrajerjo hakle při 1:1 w Braunschweigu, ale hižo do toho. Tak njedosahachu remis, 45 dypkow a 51 wrotow za zwostaće w třećej lize. Dalša přičina běštej komfortabelnej dobyći dalšeju wohroženeju cyłkow w pincy tabulki. Carl Zeiss Jena přesadźi so přećiwo TSV 1860 Mnichowej ze 4:0 a Sonnenhof Groß­aspach pola Fortuny Köln z 2:0. Tak mějachu tři teamy nadobo 45 dypkow, Choćebuz pak špatnišu diferencu wrotow.

Awtor dźensa

André Strelow

Wot soboty mamy noweho mištra w zwjazkowej koparskej lize. Haj, njeje ćežko wuhódać, wo koho so tu jedna. Sedmy raz za sobu poradźi so to mustwu FC Bayern Mnichow. Bilanca je wězo wurjadna, pokazuje pak tež, kak wostu­dła liga je. Znajmjeńša traješe napjatosć lětsa hač do poslednjeho hrajneho dnja. Tajku konstelaciju přihladowar hižo dołho dožiwił njeje. Přiwšěm so wosebje čorno-žołty fan abo kopar praša, čehodla njezamóchu sej hrajerjo BVB Dortmunda titul zawěsćić.

Wosobinsce wjeselu so za cyłk RB Lipsk, kotryž hraje klětu znowa na europskej runinje­ w champions league. Zašłe lěto běch raz w Lipšćanskim stadionje a dožiwich tam dobyće přećiwo FC Porto. Snano je tež raz duel přećiwo Lionelej Messijej wot FC Barcelony abo Cristianej Ronaldej wot Juventusa Turin móžne, čehodla nic!?

W druhej lize su so koparjo Dynama Drježdźany na kóncu sezony hišće raz stopnjowali a tak zestupej zadźěwali. Diskrepancy a wušparanja, runje hladajo na wotchad wrotarja Markusa Schuberta, su mjerzace a njetrjebawše.

Sokoł Ralbicy/Hórki – ST Hnašecy-Dobruša 1:2 (1:2)

Zestawa domjacych: Schöne – K. Matka, Bjeńš, Schultz, Budar (85. Materna), M. Matka (68. Wowčerk), Gloxyn, Šołta, Bejmak, Korjeńk, G. Kurjat (58. Domaška)

Njedźelu hrajachu koparjo Sokoła Ralbicy/Hórki při najrjeńšim wjedrje přećiwo podobnje sylnemu cyłkej z Hnašec-Dobruše. Cyła partija bě wurunana a runohódna, ale na kóncu přesadźichu so hosćo trochu zbožownje z 2:1.

Kopańca muži, wokrjesna wyša liga

Połčnica – Großnaundorf 1:2 (1:0)

Radwor – Kumwałd4:1 (2:0)

Bukecy – Kinspork/Łužnica 1:3 (1:0)

Wojerecy – Módro-běli Kulow 1:3 (1:1)

LSV Hory – Rakečanske ST 2:3 (0:2)

Sokoł Ralbicy/Hórki

– Hnašecy-Dobruša1:2 (1:2)

Ramnow – Porchow5:0 (1:0)

Němske Pazlicy

– Germania Budyšin2:2 (2:1)

1. Rakečanske ST 26 96 : 17 73

2. Módro-běli Kulow 26 57 : 28 53

3. Drohotka Ramnow 26 67 : 34 52

4. LSV Hory 25 56 : 49 43

5. Póst Germania Budyšin 26 62 : 48 41

6. Wojerowski FC 26 58 : 44 41

7. Sokoł Ralbicy/Hórki 26 46 : 41 40

8. ST Hnašecy-Dobruša 25 48 : 49 38

9. Motor Kumwałd 26 48 : 54 34

10. TSV Połčnica 26 44 : 56 33

11. Natwar Němske Pazlicy 26 46 : 46 32

12. ST Kinspork/Łužnica 26 43 : 56 30

13. SG Großnaundorf 26 44 : 60 26

14. ST Radwor 26 36 : 71 17

15. Zeleno-běli Bukecy 26 35 : 95 17

16. ST Porchow 26 30 : 68 16

Magdeburg (B/SN). Hesło „Měrliwa (r)ewolucija“ steji lětsa nad čitanskim rjadom w Magdeburgu. Při tym ma so kritisce hladać na podawki před 30 lětami, ale tež na wuwiće hač do dźensnišeho. Prěni přednošk bě 23. januara wo temje „Politiske łamki“ – štó su namrěwcy měrliweje rewolucije“. Přichodne čitanje je 19. junija „Posledni hasnje swěcu? Lóšt na jutře w cyrkwi – wužadanje a přicpěwanje?“ Přednošować budźe teologa a fyzioterapeut z Würzburga dr. Wunibald Müller. Hłowni moderatorojo rjadu su teologa a nawoda krajneje centrale za politiske kubłanje w Magdeburgu Maik Reichel, teologa a wojowar za wobydlerske prawa Frank Richter a fararka w Magdeburgu Waltraut Zachhuber.

Składuja za Notre-Dame