Z wudaća: wutora, 14 měrca 2023

Budyšin (SN). Budyska wokrjesna nalutowarnja je „projekt k škitej pčołkow“ wupisała. Zjawnostna sobudźěłaćerka Simone Bär piše w nowinskej zdźělence: „Zamołwiće z resursami přirody wobchadźeć je dźeń a wažniše. Tohodla pytamy partnera, z kotrymž móžemy zhromadnje pozitiwnje w zmysle přirodoškita a naslědnosće skutkować.“ Konkretne směrnicy za projekty njeeksistuja, „dokelž chcemy so wot projektnych idejow překwapić dać“. Powšitkownowužitne institucije a towarstwa móža so hač do 30. apryla 2023 požadać. Požadarjo maja projekt dokładnje předstajić a ramik kóštow podać. Kontaktna adresa za zajimcow je: simone.baer@kskbautzen.

Wosebity són móža sej młodźi wopytowarjo Wojerowskeho zwěrjenca zwoprawdźić a so tam raz z hladarjom zwěrjatow stać. Projekt z pedagogowku zwěrjenca Silke Kühn měri so na dźěći wot wosom lět a wotměje so 18. měrca wot 8 do 12 hodź. Wobdźělnicy nazhonja, kotre nadawki maja hladarjo wšědnje zmištrować. Najprjedy woni amfibije a insekty zastaraja a škleńčane terarije hadow wurjedźa. Dale picu wobydlerjow tropoweho domu přihotuja a skónčnje wowcy a wosoły napicuja. Přizjewjenja su móžne pod telefonowym čisłom 03571 20937708. Dalše terminy budu 20. meje, 16. septembra, 14. oktobra a 11. nowembra. Foto: Stefanie Jürß

Šoferow pod drogami lepili

Zhorjelc. Při swojich kontrolach na awtodróze A 4 je policija kónc tydźenja wjacorych pod drogami jěducych šoferow lepiła.

Sobotu připołdnju zadźerža 42lětneho wodźerja Opela na parkowanišću při Wachebergu. Drogowy spěšnotest zastojnikow dopokaza wysoke mnóstwo amfetaminow w kreji.

Dalša kontrola awtodróhoweje policije na njedźeli lepi 27lětneho šofera VW-ja při najězdźe na awtodróhu w Porchowje. Drogowy test dopokaza w tutym padźe substancu konop.

Na poslednimaj hrajnymaj dnjomaj hłowneho koła dźěše za Łužiske lodohokejowe liški wo to, zestupne koło wobeńć a sej z tym zdźerženje klasy dočasnje zawěsćić. Tola na předposlednim hrajnym dnju poda so druhi tabulki z Ravensburga do liščeje jamy. A přećiwo njemu bě Běła Woda w tutej sezonje wšitke hry přěhrała.

Łužiske lodohokejowe liški – Ravensburg Towerstars 3:2 p.tř.p. (2:2, 0:0, 0:0 - 1:0)

Łužiske lodohokejowe liški –

EC Kassel Huskies 4:2

(1:0, 0:0, 3:2)

Bě to, hač na Steva Hanuscha, samsne mustwo, kotrež bě w Regensburgu z 0:2 přěhrało, ale někak tež cyle hinaši team. Łužiske liški běchu spěšnje na smykačach po puću a dźěłachu sylnje z ćěłom a bičkom. A to přez dołhi čas w spočatnej fazy. Runje jako zdaše so partija skerje bóle defensiwnje wusměrjena być, nawjedowaše Běła Woda. Toni Ryćer třěli z módreje linije, Eric Valentin wotfalšowa a sak čumpaše so k wažnemu 1:0. Přećiwo Huskijam zastatk nachwatać dyrbjeć, by zawěsće jara ćežko było. Tež w dalšim přeběhu hry mějachu hosćo dobru šansu. Darren Mieszkowski so hač ke Ville Kolppanenej přesadźi, pola kotrehož pak bě to kónčna stacija. Sylny blok Louisa Andersa postara so wo to, zo snadny předskok dale steješe.

Kopańca, wokrjesna wyša liga

Porchow – ST Hnašecy-Dobruša 3:3 (1:0)

N.Němske Pazlicy – TSV Wachau 5:0 (2:0)

1. Módro-běli Kulow 18 42 : 14 44

2. Biskopičanske KT II 17 60 : 12 43

3. Póst Germania Budyšin 18 47 : 21 40

4. Natwar Němske Pazlicy 18 45 : 20 36

5. ST Hnašecy-Dobruša 18 56 : 34 35

6. ST Horni kraj-Sprjewja 17 49 : 30 31

7.FV Ottendorf-Okrilla  18 37 : 33 26

8. SG Großnaundorf 17 27 : 26 26

9. Sokoł Ralbicy/Hórki 17 34 : 27 25

10. HZ Łaz/Běły Chołmc 17 26 : 25 23

11. SC Großröhrsdorf 18 26 : 30 20

12. TSV Wachau 18 29 : 55 17

13. ST Radwor 17 27 : 44 16

14. ST Porchow 18 24 : 62 11

15. ST Ćisk 18 18 : 66 6

16. ST Kinspork/Łužnica 18 19 : 67 5

Wokrjesna liga stafla I

ST Wjelećin – ST Kubšicy 2:3 (0:1)

TSV Połčnica – HZ Huska/Hodźij wupad

1. Arnsdorfske KT 14 35 : 18 29

2. Bretnig-Hauswalde 13 41 : 22 26

3. TSV Połčnica 13 38 : 24 26

4. TSV Wjazońca 14 35 : 24 24

5. ST Bart 14 22 : 26 24

6. ST Kubšicy 14 25 : 22 23

7. HZ Huska/Hodźij 13 33 : 23 22

8. Traktor Malešecy 14 25 : 18 22

9. TSV Wjernarjecy 14 36 : 39 17

10. Zeleno-běli Bukecy 14 25 : 27 16

11. HZ Frankenthal 14 17 : 27 14

12. SV Haselbachtal 13 16 : 27 10

13.Kumwałd/Schönbach 14 23 : 54 10

14. ST Wjelećin 14 22 : 42 8

ST Radwor – SG Großnaundorf 1:1 (1:1)

Zestawa ST Radwor: Grenzemann – Reinecke (26. Mička), Pěčak, Šěrak, Paška (90. Wjeńka), Schöne, Nuk, Schulze, Castejon (91. Glücklich), Grubert, Šnajder