Bajkowy swět na Wojerowskim hrodźe předstajili

póndźela, 11. decembera 2017
artikl hódnoćić
(0 )
Marka Maćijowa (napr.) bě bajkowu knihu „Das goldene Gut“ nastorčiła, Róža Domašcyna ju spisa, a wobě ju wčera we Wojerecach předstajištej.  Foto: Silke Richter Marka Maćijowa (napr.) bě bajkowu knihu „Das goldene Gut“ nastorčiła, Róža Domašcyna ju spisa, a wobě ju wčera we Wojerecach předstajištej. Foto: Silke Richter

Wojerecy (SiR/SN). Wuměłstwowe towarstwo Wojerecy přeprosy wčera, njedźelu, na wosebite adwentne popołdnjo. Basnica Róža Domašcyna přewza tam rólu bajkarki. W srjedźišću čitanja stejachu powědančka z knihi „Das goldene Gut“, kotruž bě Ludowe nakładnistwo Domowina nalěto wudało. Tam předstajene bajki pochadźeja zdźěla z ertnych, w ludźe dale dawanych powědanjow, na tamnym boku pak tež z pisomnych žórłow, na přikład z časopisow a druhich literarnych zběrkow, kotrež běchu je za potomnistwo wobchowali.

Wjace hač 60 serbskich bajkow móžeš w knižnej zběrce čitać. Wosebitosć na tym je, zo so stawizny zwjetša w regionje wothrawaja a zo su zwěrjata protagonisća. Wuzwoliła, zestajała, wobdźěłała a do němčiny přenjesła bě bajki Róža Domašcyna. Wuměłča Jutta Mirtschin je knihu ilustrowała.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND