NSLDź prócuje so dale wo spěchowanje
Budyšin (SN/CoR). W lěće 2012 bě so prěni raz šěsć dźiwadłow europskich narodnych mjeńšin składnostnje tehdyšeje koparskeje europeady we Łužicy zetkało a ideju zhromadneho dźiwadłoweho festiwala „Odyseja“ zrodźiło. Nětko, pjeć lět pozdźišo a po tym zo bu spěchowanje hižo jónu wot EU wotpokazane, zo je so ličba wobdźělenych mjeńšin a dźiwadłow w běhu procesa wot jónu šěsć přez dźesać na skónčnje tři změniła a zo je so z prěnim hesłom „Odyseja – jězba k mjeńšinowym kupam Europy“ k titulej „VÔX – To give minority languages a voice“ (Mjeńšinowym rěčam hłós dać) tež koncept změnił, su organizatorojo NSLDź kónc lěta 2017 zaso w nowej fazy. Projekt „Odyseja“ je so móhłrjec sam z odyseju stał. Nětko pak maja nadźiju, prawy přibrjóh skónčnje docpěć.