„Sym połny zaćišćow“

srjeda, 19. septembera 2018
artikl hódnoćić
(0 )
Mjezynarodnje připóznaty filmowc a fotograf Thomas Frick z Podstupima (nalěwo) je w Njebjelčicach ludźi filmował, kotřiž so ze swo jimi idejemi za přichodne generacije zasadźeja. Frick je referent na Sakskej medijowej akademiji a wuči dramaturgiju wabjenja a režiju mjez druhim w Islandskej, Chorwatskej, Běłoruskej, Pólskej, Francoskej, Italskej, Bołharskej, Turkowskej, Indiskej,  Chinje, Egyptowskej, Brazilskej, w Peruwje a Namibiji.  Foto: Milenka Rječcyna Mjezynarodnje připóznaty filmowc a fotograf Thomas Frick z Podstupima (nalěwo) je w Njebjelčicach ludźi filmował, kotřiž so ze swo jimi idejemi za přichodne generacije zasadźeja. Frick je referent na Sakskej medijowej akademiji a wuči dramaturgiju wabjenja a režiju mjez druhim w Islandskej, Chorwatskej, Běłoruskej, Pólskej, Francoskej, Italskej, Bołharskej, Turkowskej, Indiskej, Chinje, Egyptowskej, Brazilskej, w Peruwje a Namibiji. Foto: Milenka Rječcyna

Thomas Frick je mjezynarodnje připó­znaty filmowc. Milenka Rječcyna je so z nim w Njebjelčicach na kromje nahrawanja filma Drježdźanskeho towarstwa Sukuma­ arts rozmołwjała.

Sće do swojeho přebytka w Njebjelčicach hižo z Łužicu činić měł?

T. Frick: Był tu hišće njejsym, a njewědźach tež wjele wo Łužicy. Hakle w zwisku z našim projektom „Stories of change“ sym so z regionom bliže zaběrał.

Što je zmysł Wašeho filmoweho projekta?

T. Frick: Pytamy wobstajnje za nowymi wobličemi, za předewzaćemi, komunami z njewšědnymi idejemi, hdźež so něšto za trajnosć stawa. W tym zwisku su mi Njebjelčicy namjetowali. Mějach to hnydom za jara zajimawu temu a běch wćipny.

Kak sće sej gmejnu w přihotach na filmowanje wotkrył?

T. Frick: Team towarstwa Sukuma arts, kotryž projekt zamołwja, je tu w zažnym lěću rešeršował. Tak su sej z wjesnjanostu Tomašom Čornakom wosebje za­jimawe blečki wsy a gmejny wotkryli a je fotografowali. Z fotow móžach sej hižo prěni wobraz tworić. Mjeztym smy z jednotliwych wobrazow filmowy material nawjerćeli.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND