Stajnje serbska wuměłča poručenje

štwórtk, 20. septembera 2018
artikl hódnoćić
(0 )
Mnozy zajimcy su na wčerawšej wernisaži wosebiteje wustajeńcy „Wórša Lanzyna – Žiwjenje a tworjenje“ składnosć wužiwali, wuměłči (naprawo) k wotewrjenju kaž tež k jeje njedawnym 90. narodninam gratulować. Přehladka w Budyskej Serbskej kulturnej informaciji je cyłu nazymu přistupna. Foto: SN/Maćij Bulank Mnozy zajimcy su na wčerawšej wernisaži wosebiteje wustajeńcy „Wórša Lanzyna – Žiwjenje a tworjenje“ składnosć wužiwali, wuměłči (naprawo) k wotewrjenju kaž tež k jeje njedawnym 90. narodninam gratulować. Přehladka w Budyskej Serbskej kulturnej informaciji je cyłu nazymu přistupna. Foto: SN/Maćij Bulank

Wustajeńcu twórbow Wórše Lanzyneje w Budyskej SKI wotewrěli

Budyšin (SN/bn). Wosebita wustajeńca „Wórša Lanzyna – Žiwjenje a tworjenje“ je nětko w Budyskej Serbskej kulturnej informaciji přistupna. Wčera wotewrěchu tam składnostnje 90. narodnin wu- znamneje wuměłče zestajanu přehladku. Sieghard Kozel, kiž bě so sylnje za to zasadźił wustajeńcu – tež jako počesćenje – zwoprawdźić, witaše něhdźe połsta hosći a wuzběhny wusahowacu rólu Wórše Lanzyneje za serbske tworjace wuměłstwo: „Wona je čerstwy duch do njeho přinjesła a je na wyši niwow pozběhnyła.“ Nimo toho mjenowaše Lanzynu „kaligrafku swětoweho wuznama“. Přikład za to bě jemu wustajeńca w New Yorku „International Calligraphy Today“, na kotrejž bu w lěće 1982 plakat Serbowki, pokazowacy rysowany akt a grafisce wuhotowany tekst Jurja Kocha, jako „jedna z pjatnaće najrjeńšich twórbow swěta“ wuzwoleny. Po krótkim biografiskim zarysu skónči Kozel swoju narěč z wosobinskej gratulaciju a rjekny: „Luba Wórša, smy wjeseli, zo će mamy!“.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND