„Budyski mytos“ pjećašěsćdźesaćiny swjećił

štwórtk, 02. meje 2019
artikl hódnoćić
(0 )
Jubilarej Jurej Mětškej gratulowaštej w mjenje SLA překupska jednaćelka Diana Wagnerec a intendantka Judith Kubicec (wotlěwa).  Foto: SN/Maćij Bulank Jubilarej Jurej Mětškej gratulowaštej w mjenje SLA překupska jednaćelka Diana Wagnerec a intendantka Judith Kubicec (wotlěwa). Foto: SN/Maćij Bulank

Budyšin (SN/bn). Wuznamny serbski komponist a nošer Myta Ćišinskeho Juro Mětšk je wčera z wosebitym koncertom w Serbskim ludowym ansamblu swoje pjećašěsćdźesaćiny woswjećił. Zazběh tworješe film Romana Pernaka a Martina Zawadzkeho „Gesta – dych – kosmos“, kotryž wuměłca dokumentarisce portretuje. Titul paska słužeše zdobom jako he­sło zarjadowanja.

Slědowacy komornohudźbny program wuhotowaše renoměrowany ansambl unitedberlin pod nawodom Ericha Wagnera. W měnjacych wobsadkach předstajichu hudźbnicy twórbje Mětška „SESTETTO“ a „SYNDROM“ kaž tež „Kwartet za husle, klarinetu, tenorowy saksofon a klawěr op. 22“ Antona Weberna, jednoho z centralnych komponistow tak mjenowaneje 2. Wienskeje šule, kiž je Jura Mětška njesnadnje wobwliwował.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND