Znowa identita w fokusu poručenje

pjatk, 08. nowembera 2019
artikl hódnoćić
(0 )
Awtor Hellmuth Henneberg, mišterka za třihanje filmow Antje Höpfner a režiser Rajner J. Nagel su wčera we wobłuku 29. filmoweho festiwala Choćebuz produkciju „Juraj Kubánka – miłosć kamjenja“ prapremjernje předstajili. Pask portretuje sławneho słowakskeho choreografa, kiž je tež we Łužicy trajne slědy zawostajił. Foto: Michael Helbig Awtor Hellmuth Henneberg, mišterka za třihanje filmow Antje Höpfner a režiser Rajner J. Nagel su wčera we wobłuku 29. filmoweho festiwala Choćebuz produkciju „Juraj Kubánka – miłosć kamjenja“ prapremjernje předstajili. Pask portretuje sławneho słowakskeho choreografa, kiž je tež we Łužicy trajne slědy zawostajił. Foto: Michael Helbig

Wjace serbskorěčnych filmow z dlěšim hrajnym časom žadanych

Choćebuz (SN/CoR). Něhdźe 120 ludźi dožiwi wčera wječor we wobłuku 29. Choćebuskeho filmoweho festiwala premjeru delnjoserbskeje dokumentacije „Zhubić a namakać“ Romana Pernaka w tamnišim „Obenkino“. Połhodźinska produkcija za telewizny magacin Łužyca, kotraž bu hakle dźeń do toho dočinjena, zaběra so ze wšelakorymi pućemi, kak sej ludźo dźensa serbsku identitu w Delnjej Łužicy tworja. Za třoch ze štyrjoch protagonistow filma – su to šefredaktor Noweho Casnika Gregor Wieczorek, wučerka na Delnjoserbskim gymnaziju Colett­ Šampatisowa, linguist dr. Patrick Steinkrüger a čołmar Hagen Conrad – njeje serbski pochad, ale wosobinska motiwacija wuchadźišćo, zo serbsce rěča a so za serbstwo angažuja. Za jeničkeho, kiž pochadźa ze serbskeje swójby, njeje tajka identifikacija móžna. Optimizm filma­, kotryž nowe puće za přichod delnjoserbskeje identity a rěč pokazuje, přewa­žowaše tež na diskusiji po předstajenju.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND