Marion Kutter: Bychmy serbske aktualne title w „lěću“ sobu poskićeli
Budyšin (SN/mwe). Po cyłej Sakskej wotměwa so we wulkich prózdninach akcija „knižne lěćo“. Na njej wobdźělene su tež knihownje Budyskeho wokrjesa kaž Budyska dźěćaca a młodźinska biblioteka, Wojerowska biblioteka Brigitty Reimann, gmejnska wupožčowarnja knihow a medijow we Łazu kaž tež Lessingowa biblioteka w Kamjencu. Tuchwilu je tam něhdźe sto holcow a hólcow w starobje 11 do 16 lět do wobdźělenskeje lisćiny zapisanych, mjez nimi su šulerjo Worklečanskeje wyšeje šule „Michał Hórnik“ a Kulowskeje šule „Korla Awgust Kocor“.