Zbližeja sej Łužicu poručenje

srjeda, 16. septembera 2020
artikl hódnoćić
(0 )
Studenća Instituta za stawiznowědu a europsku etnologiju na Uniwersiće Innsbruck wotkrywaja sej tónle tydźeń na ekskursiji Hornju Łužicu. Wopyt Budyskeho Serbskeho muzeja słušeše wčera runje tak k programej kaž dźensa wuprawa do regiona wuhlowych jamow. Woni chcedźa so z najwšelakorišimi aspektami tudyšich stawiznow kaž tež přitomnosće zeznajomić. Foto: Maćij Bulank Studenća Instituta za stawiznowědu a europsku etnologiju na Uniwersiće Innsbruck wotkrywaja sej tónle tydźeń na ekskursiji Hornju Łužicu. Wopyt Budyskeho Serbskeho muzeja słušeše wčera runje tak k programej kaž dźensa wuprawa do regiona wuhlowych jamow. Woni chcedźa so z najwšelakorišimi aspektami tudyšich stawiznow kaž tež přitomnosće zeznajomić. Foto: Maćij Bulank

Studenća stawiznow z Innsbrucka na wuprawje

Budyšin (SN/CoR). Pod hesłom „Hornja Łužica – měnjaty region“ nastajichu so studenća Instituta za stawiznowědu a europsku etnologiju Uniwersity Inns­bruck na ekskursiju do Budyšina. Pod nawodom prof. dr. Patricka Kuppera chcedźa so cyły tydźeń z najwšelakorišimi aspektami tudyšich stawiznow, ale tež přitomnosće zeznajomić. Dr. Jana Piňosová a Marcel Langer ze Serbskeho instituta staj jim při naročnym programje poboku. Prof. Kupper je kooperaciski partner jeju slědźerskeho projekta.

Wuznam Budyšina jako městnosć hornjołužiskich stawiznow a zdobom jastwa su sej studenća hižo póndźelu na wodźenju po starym měsće a po wopomnišću spřistupnili. Stolicu Serbow a jich historiju njejsu wčera jeno přez lekturu nazhonili, ale tež w Budyskim Serbskim muzeju. Zetkanje z předsydu Domowiny Dawidom Statnikom słušeše runje tak k programej kaž film „Žałosći nam Łužica“. Z dokumentaciju Petera Rochi z lěta 1990 su so zdobom přihotowali na dźensnišu wuprawu do brunicowych jamow, łužiskeje jězoriny a ewangelskich Wojerec. Tak wulce kaž je jich rjanosć ­Budyšina překwapiła, tak hłuboki bě „ćěsnjacy“ zaćišć „njepředstajomneje“ wuhloweje jamy w Rochowym filmje. Kontrast dóstanu jutře w biosferowym rezerwaće Hornjołužiske haty a hola. Ochranowsku wosadu tež jako wuchadźišo misiona po cyłym swěće chcedźa w tamnišim etnologiskim muzeju dožiwić, a dohlad do šleskeje jako dźěl hornjołužiskeje identity w Zhorjelskim Šleskim muzeju ma na pisane fasety bohaty wobraz Hornjeje Łužicy skulojćić.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND