Schadźowanku w syći swjećili poručenje

póndźela, 23. nowembera 2020
artikl hódnoćić
(0 )
„Satkularce“ Gloria Žurec a Patricija Kralec (wotlěwa) stej 146. schadźowanku suwerenje live z Budyskeho Serbskeho domu moderěrowałoj. Bywši sobudźěłaćer Serbskeho rozhłosa Beno Bělk (na wobrazowce) bě so do toho wo zaměrny zazběh postarał. Dospołny program lětušeho zarjadowanja je mjeztym na Youtube přistupny.  Foto: Maćij Bulank „Satkularce“ Gloria Žurec a Patricija Kralec (wotlěwa) stej 146. schadźowanku suwerenje live z Budyskeho Serbskeho domu moderěrowałoj. Bywši sobudźěłaćer Serbskeho rozhłosa Beno Bělk (na wobrazowce) bě so do toho wo zaměrny zazběh postarał. Dospołny program lětušeho zarjadowanja je mjeztym na Youtube přistupny. Foto: Maćij Bulank

Něhdźe tysac wobdźělnikow na digitalnej premjerje serbskeho wjerška

Budyšin (SN/bn). Kriza jako šansa – zo móže tele prajidmo wjace być hač hoła fraza, je lětuša 146. schadźowanka na kedźbyhódne wašnje dopokazała. Jako jedyn z mało wjerškow kulturneho a towaršnostneho žiwjenja w Serbach bu tradicionalne zetkanje aktualnych kaž tež bywšich studentow, maturantow a zajimowanych hosći najebać pandemiju zwoprawdźene, a to sobotu na ryzy digitalne wašnje. Załožba za serbski lud trochuje, zo je so na z pomocu Sakskeho wukubłanskeho a wupruwowanskeho kanala (SAEK) wuhotowanym zarjadowanju něhdźe 1 000 ludźi wobdźěliło – wjace, hač na přikład na 109. schadźowance w Budyskej „Krónje“, kotruž bě Beno Bělk w tak mjenowanym warmupje mjez druhim wuzběhnył. Do toho bě Luiza Winarjec nowostki Ludoweho nakładnistwa Domowina za „digitalnym knižnym blidom“ předstajiła.

wozjewjene w: Kultura
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND