Hornjołužiski festiwal komorneje hudźby, po swójskim podaću najmłódše zarjadowanje toho razu w Sakskej, chce nas nazymu druhi raz pod hesłom „Zetkawanja“ z wobšěrnym programom zabawjeć. Z přidatnym koncertom je lětsa cyły kulturny rum Hornja Łužica-Delnja Šleska zastupjeny.
Budyšin/Zhorjelc (SN/bn). Patronat komornohudźbneho festiwala wukonjataj krajnaj radaj Budyskeho resp. Zhorjelskeho wokrjesa Michael Harig a Bernd Lange. Jako festiwalneho pósłanca zdobychu sej zarjadowarjo wospjet ministerskeho prezidenta Sakskeje Michaela Kretschmera (wšitcy CDU). Kooperaciscy partnerojo su festiwal komorneje hudźby Krzyżowa-Music, festiwal šesćiměstow Přińc a woteńć, Sakska hudźbna rada, Carla Bechsteinowa załožba a Serbski ludowy ansambl.
