Tež we Wojerecach muzej do noweho depota přećehnje

wutora, 23. februara 2021
artikl hódnoćić
(0 )
Nawodnica měšćanskeho muzeja na Wojerowskim hrodźe Kerstin Noack pruwuje wuměnjenja noweho depota. Za składowane objekty zběrkow je wažne, zo stej temperatura a włóžnota powětra konstantnej.  Foto: Gernot Menzel Nawodnica měšćanskeho muzeja na Wojerowskim hrodźe Kerstin Noack pruwuje wuměnjenja noweho depota. Za składowane objekty zběrkow je wažne, zo stej temperatura a włóžnota powětra konstantnej. Foto: Gernot Menzel

Wojerecy (SN/CoR). Měšćanski muzej Wojerowski hród přihotuje tuchwilu přećah do noweho depota. Wjacore lěta pytachu nowe rumnosće, dokelž njemóže łubja hrodu, kotraž dotal jako depot słuži, njemóže ćežu hižo njesć. Nimo toho škodźi z NDRskeho časa pochadźacy jědojty drjewoškitny srědk na kózłach objektam. Mjeztym njejsu jenož twarjenje w měsće namakali, kotrež skići na 500 kwadratnych metrach optimalne wuměnjenja za składowanje zběrkow. Tež meble su hižo zatwarjene. „Dźakowano spěchowanskim srědkam kulturneho ruma Hornja Łužica-Delnja Šleska móžachmy depotowe meble produkować dać, z kotrymž so wuměnjenja za naše zběrki wuraznje polěpšeja. Dźak dalšemu spěchowanju přez Saksku krajnu agenturu za muzejnistwo móžachmy minjene lěto dwěmaj restawratorkamaj nadawk dać, nam při profesionalnym rjedźenju a reparaturje něhdźe 100 mólbow pomhać. Mjenowanej spěchowani njejstej samozrozumliwej, ćim dźakowniši tuž za podpěru smy“, wjeseli so nawodnica měšćanskeho muzeja na Wojerowskim hrodźe Kerstin Noack.

wozjewjene w: Kultura
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND