Rjany wječor na zahrodźe

póndźela, 26. julija 2021
artikl hódnoćić
(0 )
Skupinje PoŠtyrjoch a Tutn & Blasn stej minjeny pjatk na zahrodźe Budyskeho SLA zabawny hudźbny wječor wuhotowałoj.  Foto: Maćij Bulank Skupinje PoŠtyrjoch a Tutn & Blasn stej minjeny pjatk na zahrodźe Budyskeho SLA zabawny hudźbny wječor wuhotowałoj. Foto: Maćij Bulank

Hudźbnej cyłkaj před kulisu stareho města wjele ludźi zabawjałoj

Budyšin (SN/MWj). Lětnja bara Sundowner na wobydlerskej zahrodźe Serbskeho ludoweho ansambla w Budyšinje je minjeny pjatk wjele wopytowarjam njewšědnje rjany wječor wobradźiła. Organizator Beno Brězan bě sej spěwnu škupinu PoŠtyrjoch a dujersku kapału Tutn & Blasn přeprosył. A tale kombinacija postara so wo wulkotnu zabawu, kotraž hosćom z Radworja, Lejna, Zejic a z mnohich dalšich kónčin drje dołho w pomjatku wostanje.

Hnydom prěni spěw skupiny PoŠtyrjoch z Marekom Rjelku, Benom Hojerom a Rjedźic bratromaj Janom a Kry­stofom bě mały hit. Na melodiju „Adeste, fideles“ zanjesechu woni mjenujcy móhłrjec sławu na Sundowner. W dwěmaj dźělomaj zaklinča na to wjele pěsnjow, kotrež publikum zwjetša hižo ze zašłych wustupow spěwneho kwarteta znaješe. Někotre dalše pak tón abo tamny připosłuchar dotal hišće słyšał njebě. Tak běchu spěwne runje tak kaž moderaciske poskićenja skupiny přewšo zabawneho razu.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND