Mjezynarodny wuměłstwowy projekt a wernisaža w Kamjentnym domje
Budyšin (SN/bn). Dohromady 22 młodostnych z Jelenjeje Góry, Budyšina a wokolnych kónčin partnerskeju městow je kónc tydźenja prezentaciju „Muzyka sceniczna – Sceniska hudźba“ na jewišću Budyskeho Kamjentneho domu předstajiło. Projekt koordinowacy Paul Fischer rozłoži přitomnym skrótka pozadki „prezentacije, kotraž bě w běhu tydźenja na zakładźe knihi dr. Cordule Ratajczakoweje ‚Nowa swoboda‘ nastała. Poprawom planowana knižna premjera, kotruž chcyštaj Kamjentny dom a Ludowe nakładnistwo Domowina loni tu wotměć, znatych přičin dla móžna njebě. Ćim bóle so wjeselu, zo je so nam zešlachćiło premjeru z předstajenjomaj dźensa a jutře zwjazać.“
