Regionalny a zdobom europski

štwórtk, 09. septembera 2021
artikl hódnoćić
(0 )
Z „Rybičkami Nysy“ mytuja we wobłuku NFF přichodnje zaso najlěpše filmy, scenarije kaž tež hrajerske a techniske wukony.  Foto: Hannes Roensch Z „Rybičkami Nysy“ mytuja we wobłuku NFF přichodnje zaso najlěpše filmy, scenarije kaž tež hrajerske a techniske wukony. Foto: Hannes Roensch

Poprawom nalěto planowany a na ­nazymu přestorčeny Nysowy filmowy festiwal (NFF) skići cineastam dohlad předewšěm do kina Němskeje, Pólskeje a Čěskeje. Wospjet wuhotuja we wobłuku festiwala tež specifiski serbski ­wječor.

Wulke Hendrichecy (SN/bn). Towarstwo Kunstbauerkino wuhotuje NFF mjeztym 18. raz. Wot 16. septembra wubědźuje ­so wjace hač 60 mjezynarodnych hrajnych, dokumentarnych a krótkofilmow w třoch kategorijach wo sklptury, „Rybički Nysy“ mjenowane. Darićel hłowneho „Třikrajoweho filmoweho myta“ w hódnoće 10 000 eurow je sakske ministerstwo za wědomosć, kulturu a turizm. Najlěpšu dokumentaciju mytuje kam­panja „So geht sächsich“ z 5 000 eurami, za najlěpši krótkofilm přewostaji studijna rada Wysokeje šule Žitawa/Zhorjelc dobyćerjam 1 000 eurow. Swjatočne zakónčenje z přepodaćom mytow budźe 18. septembra w Habrachćicach (Ebersbach). Patronojo NFF su wospjet sakski ministerski pre­zident Michael Kretsch­mer (CDU), hejtman ­Liberecskeho kraja Martin Půta a Zgor­zelecski měšćanosta Rafał Gronicz.

wozjewjene w: Kultura
Prošu přizjewće so, chceće-li komentar podać

nawěšk