Woblubowany rjad je „pod datymi wuměnjenjemi ćežko planujomny“
Budyšin (SN/bn). „Nazymske koncerty lětsa pod datymi wuměnjenjemi planować a organizować je jara ćežko. Naprašowanja pak, kotrež k tomu dochadźeja, chcemy wobkedźbować a zhromadnje ze župami a/abo wuměłcami zwprawdźić spytać, jeli to situacija korony dla dowola. Wšako su financy za nazymske koncerty w załožbowym etaće zaplanowane.“ To piše za wotrjad marketing a kooperacije Załožby za serbski lud zamołwita Hanka Budarjowa na naprašowanje Serbskich Nowin.