Mjez wulkimi wuspěchami je tež pokalny triumf

wutora, 30. nowembera 2021
artikl hódnoćić
(0 )
Po jasnym dobyću 4:0 přećiwo Němskim Pazlicam bě ST Marijina hwězda spočatk sezony 2006/2007 z běłym lacom 5:0 wrotow a ze šěsć dypkami načolnik wokrjesneje ligi. Zady wotlěwa trenar Michał Wornar, Tomaš Kubaš, Marcel Rychtar, Tomaš Krawc, Křesćan Bělk, Křesćan Sćapan, Stanij Smoła, Tomaš Kubaš a kapitan André Kober; prědku wotlěwa Aleksander Pólk, Alex Winkler, Clemens Pjech, René Bartyla, Ronny Hanuza, David Schütze a Matijas Pólk.  Foto: Měrćin Štrawba Po jasnym dobyću 4:0 přećiwo Němskim Pazlicam bě ST Marijina hwězda spočatk sezony 2006/2007 z běłym lacom 5:0 wrotow a ze šěsć dypkami načolnik wokrjesneje ligi. Zady wotlěwa trenar Michał Wornar, Tomaš Kubaš, Marcel Rychtar, Tomaš Krawc, Křesćan Bělk, Křesćan Sćapan, Stanij Smoła, Tomaš Kubaš a kapitan André Kober; prědku wotlěwa Aleksander Pólk, Alex Winkler, Clemens Pjech, René Bartyla, Ronny Hanuza, David Schütze a Matijas Pólk. Foto: Měrćin Štrawba

Čas po politiskim přewróće pola koparjow ST Marijineje hwězdy (1. dźěl)

Změny w towaršnosći wuskutkowachu so tež na dźěło Sportoweho towarstwa Marijina hwězda. Podobne zjawy a problemy mějachu zawěsće tež druhe towarstwa. Nazwučowarjo kritizowachu wo­spjet špatne wobdźělenje na treningu a zdobom pobrachowacu kondiciju. Zranjenjow dla přeco zaso hrajerjo wupadnychu, stajene zaměry njedachu so tak zwoprawdźić. Wočiwidne pak tež je, zo wěste prawidłowne dźěło z mustwom wuspěch zaruča.

W hrajnym lěće 1972/1973 postupi koparske mustwo, tehdy hišće pod mjenom Traktor Pančicy-Kukow, do 1. wo­krjesneje klasy. Wot toho časa je stajnje najwyšu klasu we wokrjesu dźeržało. Čas po towaršnostnym přewróće bě najwuspěšniši w stawiznach towarstwa, a klasu dźeržeć bě husto z horcym bojom a zbožom zwjazane.

W 1990tych lětach njezamó mustwo, hač na dwě wuwzaći, jednocyfrowe zaměst­njenje docpěć. W hrajnej dobje 1995/1996 přewza Pětr Bejmak trening a docpě z mustwom 8. městno, lěto pozdźišo wurjadne 2. městno (56 dypkow, 48:33 wrotow).

K dalšim wurjadnym wukonam

wozjewjene w: Sport

Galerija

dalši wobraz (1) Rjana sportowa scena z derbyja přećiwo Chróšćanskej sportowej jednotce w aw gusće 2006 Foto: Měrćin Štrawba
dalši wobraz (2) Frank Gattner měješe wot hrajneho lěta 2009 do 2017 wobwjazk kapitana ST Marijineje hwězdy na ruce. Foto: SN-archiw/ Maćij Bulank
Prošu přizjewće so, chceće-li komentar podać

Serbska debata

nowostki LND