Skónčnje zaso kultura poručenje

póndźela, 17. januara 2022
artikl hódnoćić
(0 )
Tež Wojerowske kino je kónc tydźenja swoje durje zaso wotewrěło. Naprašowanje je wulke, čehoždla tam poručeja sej kartki dwaj abo tři dny do předstajenja online skazać resp. telefonisce rezerwować a při kasy wotewzać. Foto: Gernot Menzel Tež Wojerowske kino je kónc tydźenja swoje durje zaso wotewrěło. Naprašowanje je wulke, čehoždla tam poručeja sej kartki dwaj abo tři dny do předstajenja online skazać resp. telefonisce rezerwować a při kasy wotewzać. Foto: Gernot Menzel

Kina a dźiwadła su kónc tydźenja swoje durje znowa wotewrěli

Budyšin/Wojerecy (SN/bn/CoR). Po wolóženju naprawow hygieny k zamjezo­wanju koronapandemije přez knježerstwo Sakskeje (Serbske Nowiny rozprawjachu) je kónc tydźenja kulturne ži­wje­nje w swobodnym staće znowa za­běžało. Filmowy palast Budyšin je něhdźe dźesać tydźenjow trajacu předstajensku přestawku z dohromady jědnaće mjezy­narodnymi produkcijemi zakónčił. „Cyłkownje smy z kóncom tydźenja přewšo spokojom“, zjima sobudźěłaćer kina Christian Hoyer. Wosebje požadane běchu „wězo cyle nowe paski, kaž na přikład ‚Matrix Resurrections‘. Tež produkcije kaž ‚House of Gucci‘, kotrež běchu druhdźe hižo běželi, chcychu mnozy zajim­cy rady na wulkej płachće widźeć.“ Jako najwjetši publikumowy magnet pak wu­kopa so předpremjera noweho Disney-filma „Sing 2“. Wčera dyrbjachu za nju w Budyšinje přidatnu žurlu wote-wrěć, dokelž bě naprašowanje tak wulke.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND