Přećelow nańć a so w rěči wukmanjeć

štwórtk, 18. awgusta 2022
artikl hódnoćić
(0 )
Najmłódši wobdźělnik najskerje wšitkich dotalnych lětnich kursow bě šěsć měsacow stary Edvard Čermák, kotrehož staj staršej Radek a Kateřina prosće z Prahi sobu do Łužicy přinjesłoj. „Druhdy chce wón radšo pić a spać hač serbšćinu wuknyć. Přiwšěm je so zawěsće hižo tójšto serbskeho nasrěbał“, měni jeho mać. Zo pak maja tež Serbja w zwisku z kursom něšto přiwuknyć, wo tym je wona přeswědčena. „Myslu sej, zo je kurs dobra składnosć za potomnikow Serbow w Americe a w Awstraliji, kotřiž jenož jendźelsce móža, zo bychu woni serbšćinu w jendźelšćinje wuknyć móhli. Za nich by so snano tež online-kurs w swojej rěči hodźał.“ Najmłódši wobdźělnik najskerje wšitkich dotalnych lětnich kursow bě šěsć měsacow stary Edvard Čermák, kotrehož staj staršej Radek a Kateřina prosće z Prahi sobu do Łužicy přinjesłoj. „Druhdy chce wón radšo pić a spać hač serbšćinu wuknyć. Přiwšěm je so zawěsće hižo tójšto serbskeho nasrěbał“, měni jeho mać. Zo pak maja tež Serbja w zwisku z kursom něšto přiwuknyć, wo tym je wona přeswědčena. „Myslu sej, zo je kurs dobra składnosć za potomnikow Serbow w Americe a w Awstraliji, kotřiž jenož jendźelsce móža, zo bychu woni serbšćinu w jendźelšćinje wuknyć móhli. Za nich by so snano tež online-kurs w swojej rěči hodźał.“

Kursisća ferialneho kursa serbšćiny powědaja wo swojich nazhonjenjach a najrjeńšich dožiwjenjach lětsa we Łužicy

Dwutydźenski mjezynarodny lětni kurs za serbsku rěč a kulturu Serbskeho instituta je lětsa dohromady 51 zajimcow ze cyłeho swěta, mjenujcy z Benina, Čěskeje, Francoskeje, Italskeje, Japanskeje, Pólskeje, Ukrainy, USA a Němskeje do Łužicy přiwabił. 13 z nich zamóchu sej z pruwowanjom certifikat kwalifikacije A1 do B2 zdobyć. Na tejle stronje předstaja SN někotrych kursistow, wobswětlujo jich motiwacije a puće do Budyšina kaž tež prašejo so za prěnimi, snano bytostnymi nazhonjenjemi.

Anna Wróbel a Anna Śiston stej z Kašubskeje přijěłoj. Tam, kaž powědatej, je zajim na Serbach „generelnje wulki“. Wosebje wćipnej běštej, kak tu serbšćinu dźěćom w kubłanišćach, ale tež zwonka šulow a pěstowarnjow dale dawaja. „Smój wjele nawuknyłoj, a snano móžemoj tomu přinošować, kašubšćinu na zakładźe naju nazhonjenjow w domiznje lěpje sposrědkować. Mjez młódšimi wobydlerjemi je tuchwilu mjenujcy chětro ćežko, wotpowědny zapal zbudźić.“

wozjewjene w: Kultura

Galerija

dalši wobraz (1) Anna Wróbel a Anna Świstun (wotlěwa) z Kašubskeje Foto: SN/Hanka Šěnec
dalši wobraz (2) Takrjec ameriska delegacija z Texasa a Nebraski
dalši wobraz (3) Jan Wünsche z Lubija
Prošu přizjewće so, chceće-li komentar podać

Serbska debata

nowostki LND