Serbsko-Waliziske přećelstwo ducy po srjedźnej, Hornjej a Delnjej Łužicy
Kumšicy/Nuknica (SN/bn). „My smy zwězk walizko-serbski, pěśtysac lět južo něnt, kužde zajtšo wunamakamy nowy nałog za pśijaśelstwo.“ Tele słowa zakónča hymnu, kotruž je Choćebuski Kolektiw Wakuum za projekt „Cyfeillgarwch cymareg a sorbian – Serbsko-Waliziske přećelstwo“ spisał. Ze zapalom zaspěwana zahaji a zakónči – ze sylnej podpěru publikuma – kóždy koncert, z kotrymž so cyłk sam kaž tež swoje na kaseće wozjewjene twórby we wobłuku turneje wot minjeneje srjedy hač do předwčerawšeho zjawnje předstaji.