Něhdźe štwórćina twórbow wuměłskeje awkcije w nowym wobsydstwje
Budyšin (WL/SN/bn). Na 14. wuměłstwonej awkciji Załožby za wuměłstwo a kulturu w Hornjej Łužicy minjenu sobotu w Muzeju Budyšin buchu 28 ze cyłkownje 113 twórbow dohromady 70 wuměłčow a wuměłcow předatych. Dohromady 15 zajimcow běchu so za přesadźowanje přizjewili. Kooperaciscy partnerojo załožby běchu lětsa Budyske wuměłstwowe towarstwo, Kulturne koło Ernsta Rietschela a Hornjołužiske wuměłstwowe towarstwo. Wo hudźbne wobrubjenje awkcije postara so Richard Fuhrmann na gitarje.
