Budyšin (SN/CoR). „Sportej zdar!“ Pod tymle hesłom stej redaktor Serbskeje protyki Pětr Šołta a lektorka Janina Mikławškowa wčera wječor na njezwučene wašnje knižnu premjeru Serbskeje protyki 2023 w Budyskej Smolerjec kniharni zahajiłoj – k wjeselu něhdźe 25 přitomnych, kotřiž su spontanje lochke zwučowanja k sćoplenju ćěła sobu činili. Hulahoopowa rynka pak su hibićiwej lektorce pře­wostajili, kotraž tak pokiwy Tadeja Cyža z knihi praktisce předstaješe.