Handrij Zejler a Korla Awgust Kocor ćežišći wědomostneho sympozija
Budyšin (SN/CoR). Něhdźe 30 zajimcow je předsydka Maćicy Serbskeje dr. Anja Pohončowa minjeny pjatk na sympozij we wobłuku jubilejneho lěta składnostnje 150. posmjertnin Handrija Zejlerja a 200. narodnin Korle Awgusta Kocora w Budyskim Serbskim muzeju witać móhła. Bě to zhromadne zarjadowanje wustajenišća a Serbskeho instituta (SI). Zastupowaca direktorka SI dr. Susanne Hozyna sposrědkowa postrow nawody slědźenišća a přirunowaše w swojich witanskich słowach wuznam „dweju hobrow“ serbskich kulturnych stawiznow z tym Grimmoweju bratrow za Němcow.