Myto ministerstwow a statneje kenclije mjez druhim tež za LND
Drježdźany (SN/bn). Dohromady 20 sakskich nakładnistwow móža so jako dobyćerjo lětušeho Sakskeho nakładnistwoweho myta nad stajnje 10 000 eurami wjeselić. Jónkrótnje bu branšowe myto lětsa pod třěchu kampanje „So geht sächsisch“ jako zhromadne wuznamjenjenje Sakskeho statneho ministerstwa za hospodarstwo a dźěło (SMWA), Sakskeho statneho ministerstwa za wědomosć, kulturu a turizm (SMWK) kaž tež Sakskeje statneje kenclije spožčene.
Zajim na lětušim wubědźowanju bě dosć nahladny. Ze 84 wobdźělnikami stej so z cyłkownje 131 nakładnistwow, kotrež w swobodnym staće eksistuja, nimale dwě třećinje za lětuše nakładniske myto požadałoj. Při tym zabra Lipsk jako centrum knižnych wikow z 38 namjetami načolnu poziciju. Mjez mytowanymi wudawaćelemi su na přikład nakładnistwa Poetenladen (Lipsk), Sandstein (Drježdźany), Mirabilis (Klipphausen) a Ludowe nakładnistwo Domowina (LND, Budyšin).