„Lubiny“ swjatočnje spožčili poručenje

póndźela, 14. nowembera 2022
artikl hódnoćić
(0 )
We wobłuku 32. Choćebuskeho filmoweho festiwala su producenća, režiserojo, hrajerjo a dalši čłonojo produkciskich stabow „Lubiny“ za swoje wukony přijimali. Dohromady pokazachu na festiwalu wjace hač 200 filmow, tójšto z nich prapremjernje. Serbski podźěl bě dotal najwobšěrniši. Tak prezentowachu w segmenće „Heimat – Domownja – Domizna“ cyłkownje 17 paskow łužiskich resp. z Łužicu zwjazanych filmowcow a filmowčow, mjez kotrymiž běchu šěsć prěni raz widźeć.  Foto: Michael helbig We wobłuku 32. Choćebuskeho filmoweho festiwala su producenća, režiserojo, hrajerjo a dalši čłonojo produkciskich stabow „Lubiny“ za swoje wukony přijimali. Dohromady pokazachu na festiwalu wjace hač 200 filmow, tójšto z nich prapremjernje. Serbski podźěl bě dotal najwobšěrniši. Tak prezentowachu w segmenće „Heimat – Domownja – Domizna“ cyłkownje 17 paskow łužiskich resp. z Łužicu zwjazanych filmowcow a filmowčow, mjez kotrymiž běchu šěsć prěni raz widźeć. Foto: Michael helbig

Choćebuz tydźeń dołho „wospjet stolica wuchodoeuropskeho kina“

Choćebuz (SN/bn). We wobłuku swjatočneje gale w Choćebuskej měšćanskej hali buchu předwčerawšim „Lubiny“, hłowne myta 32. Choćebuskeho filmoweho festiwala (CFF), spožčene. Jako najlěpši film wuznamjenichu chorwatsko-słowjensku, tež za klětuši „Oscar“ nominowanu koprodukciju „Sigurno mjesto“ režisera Juraja Lerotića. We wopodstatnjenju mjezynarodneje jury rěka, zo „přeswědča pask ze zmužitosću filmowca, so jenož jako awtor njezjewić, ale tež swoju dušu wotkryć w filmje wo lubosći k blišemu bjez wuměnjenjow“. Specialne myto za najlěpšu režiju přiznachu Polakej Damianej Kocurej za produkciju „Chleb i sól“. Po słowach mytowanskeho gremija inscenuje „režiser gracioznje wšědnosć a kompleksnosć žiwjenja młodostnych w našim zhromadnym swěće“. Tónle film zdoby sej zdobom wosebite myto „Dialog“ za „dorozumjenje mjez kulturami“. Z „Lubinu“ za najlěpši hrajerski wukon wuznamjenichu Rumunu Iuliana Postelnicu, kiž w pasku „Oameni de treabaza“ zaćišć zbudźa, zo „swoju rólu prosće njehraje, ale zo figura w nim eksistuje“.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND