Cyły dom z jewišćom „dźiwadła poezije“ a słowjanskich melodijow

Praha (MDź/SN/bn). Na přeprošenje Chemického divadla w Praze je sej Čłonstwo za integraciju ludoweje akordeonoweje kultury (ČILAK) minjeny kónc tydźenja do čěskeje stolicy dojěło. Wot pjatka do njedźele wotměchu w tamnišim Serbskim seminarje po cyłym domje wjacore zarjadowanja, kaž na přikład předstajeni tak mjenowaneho imersiwneho dźiwadła pod hesłom „Těžba snů“ (Wudobywanje sonow) , koncerty a reje.