Wo „lětach baseballowych bičkow“ a trajacych sćěhach ...

wutora, 09. julija 2024
artikl hódnoćić
(0 )
We wobłuku „Muzikaliskeho salona“ dopominachu so wjacori Budyšenjo na čas změny 1989 a na hač do dźensnišeho trajace sćěhi přewróta.  Foto: Bosćan Nawka We wobłuku „Muzikaliskeho salona“ dopominachu so wjacori Budyšenjo na čas změny 1989 a na hač do dźensnišeho trajace sćěhi přewróta. Foto: Bosćan Nawka

„Je přewrót zdokonjany?“ rěka interaktiwna pućowaca wustajeńca, kotraž je tele dny z hosćom w „Serbskim woknje“ na Budyskej Bohatej. Dobreho wothłosa dla spřistupnja ju hač do spočatka awgusta, předwčerawšim planowane zawrjenje sta so njejapcy z midisažu.

Budyšin (SN/bn). „Zakład přehladki twori wědomostny projekt, dokumentowacy dopomnjenki časowych swědkow wo politiskim přewróće w lěće 1989. Wona wopřijima dźěl interviewow a fotografijow, kotrež smy w tym zwisku nahrawali resp. zezběrali. Wopytowarjo ju wobstajnje ze swójskimi přinoškami wudospołnjeja. Wotpohladnje smy so rozsudźili, ju předewšěm w mjeńšich městach w Durinskej, Sakskej a Braniborskej pokazać; rady pak prezentujemy ju tež na zapadźe Němskeje, wobsteji-li wotpowědny zajim“, rozłoži iniciator projekta prof. Mathias Berek ze Slědźenskeho instituta za towaršnostnu zwjazanosć powitawši něhdźe 40 wopytowarjow. Jako wosebiteho hosća předstaji wón Wojerowsku awtorku Grit Lemkowu, kotrejež roman „Kinder von Hoy“ so „tematisce wuběrnje hodźi“.

wozjewjene w: Kultura
Prošu přizjewće so, chceće-li komentar podać

nowostki LND