Yaven Wićaz (pjaty wotlěwa) z Budyšina je so kónc tydźenja na ...
Z wutrajnosću hru dobyli
SC 1911 Großröhrsdorf II – Sokoł Ralbicy/Hórki 0:3 (0:1)
Zestawa hosći: Gloxyn – Matka, B. Bjeńš, Schultz, Šewc, S. Bjeńš, Šołta, Bejma, Korjeńk (46. Bejmak), G. Kurjat (63. M. Kurjat), Domaška
Na stadion w Großröhrsdorfje nimaja koparjo Sokoła Ralbicy/Hórki najlěpše dopomnjenki, wšako su tam dotal přerědko dypki docpěli. Wčera pak nastupichu tam chowancy Thomasa Schultza přećiwo druhemu zastupnistwu, a róla faworita bě jasnje na jich boku. Byrnjež zranjenjow dla někotrych hrajerjow narunać dyrbjeli, nastupichu woni ze sylnym mustwom. Wšako chcychu dalše koło docpěć. W srjedźnym polu bě Stani Šewc po dołhim zranjenju zaso zasadźeny a móže z pokazanym wukonom jara spokojom być. W defensiwje poradźi so jemu dobra hra, tež w ofensiwje wón někotre dobre akcenty sadźi.
Do štwórćfinala koparskeho pokala zaćahnyli
SJ Chrósćicy – ST Ćisk 4:0 (0:0)
Zestawa domjacych: Králíček – Pöpel, Cyž, Šafář (74. Šmit), Bětnar, Młynk (60. Kunze), Schulze, Zahrodnik, Dehn (70. J. Bogusz), Žur, Domaška
Ćežki los dósta koparske mustwo Sportoweje jednotki Chrósćicy w pokalnym wosmifinalu. Dypkowe hry přećiwo ST Ćiskej běchu minjene lěta stajnje dosć napjate byli. Kónc tydźenja pak dźěše wo wšitko, zo bychu Chróšćenjo přichodne pokalne koło docpěli.
Po zahwizdanju młodeje sudniskeje trójki mějachu domjacy wjace hrajnych podźělow, Petr Šafář pak wrota snadnje misny. Jeničce ličba hrajerjow so po hižo w 27 min. pomjeńši. Rayk Schulze bě so na wrota měrił, posledni muž Ćišćanow pak jeho centimetry před šěsnatku potohrny. Sudnikej ničo druhe njezwosta, hač čerwjeny karton pokazać a wólny kop postajić. Tón pak njebě wuspěšny.
Widźał, słyšał, napisał (29.02.16)
Lubi sportowcy, mamy zaso raz přestupne lěto. To rěka, zo je měsac februar lětsa dźeń dlěši. Tak padnje 29. februar po wjele lětach na dźeń, hdyž so sportowa kolumna wozjewja. 1988 bě tomu runje tak. Dokelž pak wuchadźeše tehdy Nowa doba jako dźenik hižo rano, móžachmy tule rubriku a sportowe rozprawy zwjetša hakle wutoru čitać. Achim Kowar pisaše tehdom wo poradźenych Olympiskich zymskich hrach w kanadiskim Calgaryju. W krajnym hódnoćenju medaljow doby Sowjetski zwjazk před našim krajom, małej NDR, kotraž bě najebać kopańcu tola wulki sportowy gigant na swěće. Nimo toho zhladowaše Kowar tež na 6. turněr Domowinjanow – pedagogow a přistajenych serbskich statnych institucijow – wo pokal Zwjazkoweho předsydstwa Domowiny we volleyballu, wuhotowany wot Serbskeje rozšěrjeneje wyšeje šule „Hermann Matern“ Budyšin. Pod režiju sportoweju wučerjow Gerata Hrjehorja a Měrka Korjeńka wobdźěli so tehdom dźesać mustwow, štož bě rjany rekord.
Wuslědki (29.02.16)
Wokrjesne pokalne hry
Wachau II – Bluń 3:1 (0:1)
Frankenthal – Wjelećin 1:6 (1:4)
Lubuš – Großröhrsdorf 1:4 (0:2)
Großnaundorf – Ottendorf/Liegau 1:0 (1:0)
Großröhrsdorf II – Ralbicy/Hórki0:3 (0:1)
Marijina hwězda – Wachau 8:6 (3:2)
Chrósćicy – Ćisk 4:0 (0:0)
Wojerecy 1919 – Kumwałd 1:5 (1:2)
Krajna liga
FC Eilenburg – Zhorjelc 2:1 (1:1)
Kamjenc – Pirna-Copitz 2:1 (1:1)
FSV Zwickau II – BSC Freiberg 3:2 (1:2)
BSG Chemija – Markkleeberg 2:1 (1:1)
Heidenau – Wocl Riesa 2:1 (1:1)
Rapid Kamjenica – FC Grimma 2:2 (1:1)
Glauchau – Taucha 2:0 (1:0)
Reichenbach – Hohenstein-E. 0:1 (0:0)
tabulka:
1. BSG Chemija 17 45 : 17 38
2. Kamjenc 18 33 : 10 37
3. Wocl Riesa 18 41 : 23 36
4. FSV Zwickau II 18 30 : 20 33
5. FC Grimma 18 30 : 21 33
6. FC Eilenburg 18 29 : 26 29
7. Hohenstein-E. 17 32 : 21 27
8. Heidenau 18 19 : 23 24
9. Zhorjelc 17 27 : 25 21
10. Pirna-Copitz 18 24 : 30 21
11. Markkleeberg 17 30 : 35 20
12. Glauchau 17 18 : 31 19
Sport (26.02.16)
Kopaja wo pokal CDU
Jutře, 27. februara, přeprošeja Marja Michałkowa, Frank Hirche a Alojs Mikławšk zhromadnje z Młodej uniju Budyšin na 7. koparski turněr za młodźinske mustwa. Zakop je w 10 hodź. we Worklečanskej sportowni. Mustwa nastupja z wrotarjom a třomi pólnymi hrajerjemi.
Stajne blido jěcharjow
Dźens za tydźeń, 4. měrca, wotměje so w Kulowskej kofejowni „Schwupp“ stajne blido jěcharkow a jěcharjow. Hesło zarjadowanja, kotrež započnje so 19 hodź., rěka „Fairny/fairna ke konjej“. Přednošować budźe dr. Tanja Romanazzi z Kubła Heinrichshof wo tym, kak móžeš plahowanje štyrinohačow we wotewrjenych a aktiwnych konjencach polěpšić.
Koparske pokalne hry
Zapadołužiski koparski zwjazk přewjedźe jutře, sobotu, a njedźelu wosmifinalne hry wo wokrjesny pokal. Mjez 16 cyłkami su hišće tři serbske mustwa:
27.02. 14:00 Wachau II – Bluń
27.02. 14:00 Frankenthal – Wjelećin
27.02. 14:00 Lubuš – Großröhrsdorf
28.02. 14:00 Großnaundorf
– Ottendorf/Liegau
28.02. 14:00 Großröhrsdorf II
– Ralbicy/Hórki
28.02. 14:00 Marijina hwězda – Wachau
28.02. 14:00 Chrósćicy – Ćisk
28.02. 14:00 Wojerecy 1919 – Kumwałd
Koparske dypkowe hry
27.02. 14:00 Kamjenc – Pirna-Copitz
27.02. 14:00 Kulow – Kinspork/Łužnica
Walther nawjeduje lisćinu třělcow
Domjacy so w druhim połčasu widźomnje stopnjowali
Sokoł Ralbicy/Hórki II – Nadrózna Hrabowka 1:1 (1:1)
Zestawa domjacych: Cyž – Materna, Zynda, Bogusz, Šewc (46. Kobalc), Šěn (46. Čornak), Šołta, Rawš, Matka, Kurjat Krasne wjedro drje to runjewon njebě, koparjo pak hraja nimale při kóždym wjedrje, jeli to tež hrajnišćo dowola. Tróšku kuriozne wšak běchu tónkróć přihoty hry. Poprawom su wšitcy koparjo na internetnej lisćinje zapisani. Hinak bě tomu pola hosći. Dwaj koparjej njeběštaj w kompjuteru zapisanaj, byrnjež trenar płaćiwe pasy měł. Sudnik tuž skónčnje postaji, zo je wšitko w porjadku, a partiju ze zapozdźenjom zahwizda.
Hrajerjo Sokoła Ralbicy/Hórki partiju derje započachu, flanka Roberta Materny docpě Jurja Matku, a wón bul ze swojej słabej prawej nohu k 1:0 do saka stłóči (6.). Domjacy rumy wušiknje zastajachu. Po něhdźe dwaceći mjeńšinach pak hižo tajki porjadk njemějachu, a hosćo z Na-drózneje Hrabowki so zesylnichu. W 25. min. móžeše Tomaš Cyž třělwu znješkódnić, a dalša na zbožo ničo ličomneho njewunjese. Po wjace hač poł hodźinje pak přećiwnik wuruna. Hosćićeljo zhubichu bul w srjedźnym polu a Tommy Wendt do dołheho kuta přetwori (33.).
Wuslědki (25.02.16)
Wokrjesna koparska liga, stafla 2
Njeswačidło – HZ Łaz 1:1 (1:1)
Hórnikecy – Nowe Město II 5:1 (2:0)
FC Łužica – Lubuš 3:0 (2:0)
Šćeńca – Hory II 0:7 (0:3)
Ćisk II – Wětnica/Hola 4:2 (1:1)
Ralbicy/Hórki II – N. Hrabowka 1:1 (1:1)
tabulka:
1. Wojerecy 1919 15 42 : 14 35
2. Rakecy II 15 41 : 10 34
3. FC Łužica 16 36 : 16 34
4. HZ Łaz 15 21 : 13 28
5. Nowe Město II 16 59 : 29 26
6. Hórnikecy 16 31 : 31 24
7. Hory II 16 34 : 24 23
8. Bluń 15 30 : 26 22
9. N. Hrabowka 16 39 : 30 21
10. Njeswačidło 16 34 : 36 20
11. Lubuš 15 27 : 37 18
12. Ralbicy/Hórki II 16 30 : 35 17
13. Ćisk II 16 29 : 50 16
14. Wětnica/Hola 16 24 : 59 11
15. Šćeńca 15 23 : 90 4
Njetrjebawša poražka pola načolnika
HZ Ottendorf/Liegau – ST Marijina hwězda 2:1 (0:1)
Zestawa hosći: O. Schmidt – Wróbl, Sbjeznie (35. Škoda), Łušćanski, Hawš, Peschmann, Bělk, T. Jurš (85. Langer), P. Schmidt, Winkler, D. Jurš
Při mizerabelnym wjedrje nastupi prěnje koparske mustwo ST Marijineje hwězdy minjenu njedźelu pola dotal njeporaženeho načolnika wokrjesneje ligi, stafla 3. Hru přewjedli su na kumštnym trawniku w Liegauwje. W prěnich mjeńšinach bě spóznać, zo měještej wobaj cyłkaj porjadny respekt před sobu. Poněčim pak hosćo iniciatiwu přewzachu. W 20. min. přesadźi so Křesćan Bělk na lěwym boku a smokny bul nisko do pjećmetrowskeho ruma. Tam njedósta jón wrotar domjacych pod kontrolu a Alexander Winkler trjechi k 0:1. Dźesać mjeńšin do přestawki dyrbjachu Pančičanscy koparjo hižo měnjeć, dokelž bě so Christian Sbjeznie na kolenje ćežko zranił. Traješe chwilu, prjedy hač so zaso zhrabachu. W 39. min. wšak dyrbješe Falko Peschmann na wrotowej liniji bul wotkopnyć.
