FC Energija Choćebuz –

1. FC Saarbrücken 4:1 (2:1)

Zestawa FC Energije Choćebuz: Bethke – Hasse (66. Rorig), Kusic, Slamar, Bretschneider, Pelivan, Möker (46. Juckel), Ciğerci, Krauß (60. Halbauer), Thiele (90. Borgmann), Proničew (60. Copado).

slěd wrotow: 1:0 Thiele (17.), 2:0 Thiele (44.), 2:1 Civeja (45.+1), 3:1 Thiele (80.), 4:1 Thiele (87.)

přihladowarjo: 10 530

Postupnik z Łužicy bě kaž wočakowane skerje špatnje do njeznateho terena startował. Najebać swójskeho nawjedowanja je FCE přećiwo Bielefeldej 1:2 a Drježdźanam 2:4 podležał. A tež pokalna hra přećiwo Werder Bremen bu přěhrata. Hakle wuspěch 2:1 přećiwo Alemannia Aachen bě małe znamjo za to, zo móže Choćebuz cil sezony docpěć: zdźerženje klasy.

Wot toho časa spěcha nowačk třećeje ligi wot dobyća k dobyću. Jeničce w 3. lize su Choćebuženjo štyri dobyća za sobu domchowali, poslednje sobotu přećiwo 1. FC Saarbrücken.

Rjek dnja bě Timmy Thiele, kiž přećiwo kickeram z Choćebuskeho partnerskeho města hnydom štyri króć trjechi.

Kónctydźenska kopańca

27.09. 19:00 Budissa Budyšin –

  1. FC Magdeburg II

28.09.  14:00  VfB Kśišow –

  Biskopičanske KT 08

28.09.  15:00  HZ Łaz/Běły Chołmc –

  Sokoł Ralbicy/Hórki

28.09.  15:00  Wachau – SJ Chrósćicy

28.09.  15:00  TSV Wjernarjecy –

  ST Marijina hwězda

28.09.  15:00  ST M.-běli Njeswačidło –

  HZ Ralbicy II/Pančicy II

28.09.  16:30  FC Energija Choćebuz –

  1. FC Saarbrücken

29.09.  14:00  ST Běła/Cunnersdorf –

  SJ Njebjelčicy

29.09.  15:00  Hlinowski SK –

  SJ Chrósćicy II

29.09.  15:00  ST Radwor –

  ST Wulka Dubrawa

Wolejbulowa sezona zahajena

Po tym zo je wolejbulowe mustwo Sokoł Budyšin minjenu póndźelu z poražkomaj do sezony startowało, hraja dźensa prěni raz w nowej hrajnej dobje wolejbulisća z Pančic-Kukowa. Tohorunja změja wobě zastupnistwje muži Viktorije Worklecy kaž tež rezerwa žonow zazběhowe hry do hrajneje doby 2024/2025.

27.09.  19:00  Sokolnik Wjazońca –

  ST Marijina hwězda (m)

27.09.  20:00  Šumbachski VV –

  ST Marijina hwězda (m)

28.09.  14:00  MSV Budyšin 04 III –

  Viktoria Worklecy II (ž)

28.09.  14:00  Pirna-Copitz –

  Viktoria Worklecy I (m)

28.09.  14:00  Viktoria Worklecy II –

  VV Žitawa III (m)

28.09.  16:00  Viktoria Worklecy II –

  ST Ludwigsdorf (m)

Běh wo pokal zbóžneho Alojsa

Worklečanscy wolejbulisća běchu swój přihot na nowu sezonu w sakskej klasy hižo spočatk awgusta zahajili. Do toho wabjachu horce temperatury časćišo na bičwolejbulnišćo hač do hale. Nětk pak běchu hrajerjo Viktorije dźakowni za přeprošenje na derje wobsadźeny halowy turněr w Choćebuzu, kotryž běše za tamniši CVV tohorunja test do starta hrajneje doby. Wot 12 mustwow, kotrež w hali při Poznańskej dróze nastupichu, słušeše 10 do Braniborskeje krajneje klasy a krajneje ligi. Mustwje 11 a 12 pochadźeštej ze Sakskeje. Běštej to lońši mišter a aktualny krajny ligist Módro-běli Wo­jerecy a naši Worklečenjo. Bohužel pobrachowachu na tutym dnju hrajerjam z Worklec někotři nazhonići hrajerjo. Tak steješe kapitan Ludwig Eckert zranjeneho porsta dla tónraz jenož jako trenar při nabóčnej liniji. Z pjeć hrajerjemi z druheho mustwa pak mějachu přiwšěm sylnu jednotku na hrajnišću, kaž so w běhu turněra skutkownje pokaza. Runje to je tež hłowna mysl serbskeho mustwa w tutej sezonje. Młodych hrajerjow chcedźa łahodnje prěnjemu mustwu zbližić a integrować.