Mustwo ze sakskeje stolicy chce do Łužicy přijěć

srjeda, 06. meje 2020
artikl hódnoćić
(0 )
Serbska koparska wubranka młodźiny D je na Galand-cupje spočatk lěta w Kamjencu druhe městno wobsadźiła a tam mjez druhim tež styki k mustwu z Drježdźan nawjazała.  Foto: Tadej Cyž-Njebjelčanski Serbska koparska wubranka młodźiny D je na Galand-cupje spočatk lěta w Kamjencu druhe městno wobsadźiła a tam mjez druhim tež styki k mustwu z Drježdźan nawjazała. Foto: Tadej Cyž-Njebjelčanski

W dorostowej kopańcy wokomiknje hišće­ nichtó na dypkowe hry njemysli. Tež prawidłowny zhromadny trening njeje hišće tak prawje móžny. Kak, hdy a hač hrajna doba docyła dale póńdźe, tučasnje nichtó njewě. Móžno, zo ju bjez hódnoćenja dočasnje zakónča.

Na Serbsku koparsku wubranku młodźiny D (SKW D) pak čaka, jeli koronasituacija to dowoli, dalše napjate a zajimawe wužadanje. Po wuspěšnym wobdźělenju na Galand-cupje spočatk lěta w Kamjencu chce mustwo w juliju přećiwo šul­skemu cyłkej z Drježdźan přećelsku hru přewjesć a zhromadny wječor wotměć. Mustwowy nawoda ze sakskeje stolicy je na­ Kamjenskim turněrje styki k tre­narjam wubranki SKW D nawjazał. Jara chwalobnje wuprajili su so zamołwići z Drježdźan nastupajo serbsku rěč a wustupowanje serbskeho mustwa.

wozjewjene w: Sport
Prošu přizjewće so, chceće-li komentar podać

Serbska debata

nowostki LND