Widźał,słyšał, napisał (27.12.22)

wutora, 27. decembera 2022
artikl hódnoćić
(0 )
Awtor dźensa Michał Nuk

Kak rěka w skeču, kotryž silwester po wšitkich kanalach běži? „Same procedure as every year!“ – Samsny wotběh kaž kóžde lěto! To płaći tež za zymski sport. Abo tola nic? Sněhakowym skakarkam bě so cyle njejapcy w adwentnej „turnejowej protyce“ – tuta informowaše w 24 woknješkach na socialnych medijach wšědnje wo stawiznach a nowostkach wokoło swětoznateje turneje na štyrjoch skakanišćach – w 24. woknješku připowědźiło, zo ma so pječa 2023/2024 prěni króć turneja na samsnych skakanišćach tež za žony wotměć. Někotři hižo juskachu, tola druzy kaž norwegska topskakarka Maren Lundby běchu skeptiscy. Z prawom, kaž so krótko po tym wukopa, dokelž buchu wšitke tute připowědźenja spěšnje zaso cofnjene. Rěč bě wo njeluboznej informaciskej panje, kotraž złožowaše so na staru připowědź z minjeneho nalěća.

wozjewjene w: Sport
Prošu přizjewće so, chceće-li komentar podać

Serbska debata

nowostki LND