Jenož jónu dypkowali

wutora, 10. januara 2023
artikl hódnoćić
(0 )
Pedro Libš a Enrico Kral (za sakom wotlěwa) we wotwobaranskej akciji. Minjeny štwórtk poradźi so klóšterskim wolejbalistam přećiwo Šumbachskemu WT dobyće, přećiwo načolnikej z Wósporka pak Pančičenjo z 0:2 podležachu.  Foto: Jörg Stephan Pedro Libš a Enrico Kral (za sakom wotlěwa) we wotwobaranskej akciji. Minjeny štwórtk poradźi so klóšterskim wolejbalistam přećiwo Šumbachskemu WT dobyće, přećiwo načolnikej z Wósporka pak Pančičenjo z 0:2 podležachu. Foto: Jörg Stephan

Dokelž je so posledni hrajny dźeń w starym lěće chorosće dla wotprajić dyrbjał, wjeselichu so hrajerjo Marijneje hwězdy čim bóle na prěnju hru w nowym lěće. A zo móžeše so ta w domjacej hali wotměć, bě wězo wosebje rjenje. Štwórtk wječor witachu Pančenjo, kiž stejachu na štwórtym městnje, prěnjeho a poslednjeho w tabulce.

ST Marijina hwězda –

Šumbachske WT 2:0 (25:14, 25:13)

Přećiwo cyłkej ze Šumbacha běchu klóšterscy hrajerjo hižo někotre razy dobyli. Tuž bě dobyće před domjacej kulisu jasny zaměr hrajerjow. Tola dołha hrajna a treningowa přestawka přez hodowny čas njewosta bjez sćěhow. Wustupowanje Pančanow bě wšo druhe hač wěste a sebjewědome. Mějachu drje konsekwentnje přez cyłu hru wjacore dypki předskoka a dobyće njebě w žanym času wohrožene. Ale falowaše prawy ćišć při saku kaž tež trěbna agilnosć a bojownosć w zadnym polu. Hrajerjo skutkowachu tróšku strachoćiwi a njekoncentrowani. A tola poradźi so mustwu jasne dobyće prěnjeje sadźby.

wozjewjene w: Sport
Prošu přizjewće so, chceće-li komentar podać

Serbska debata

nowostki LND