Po wjesnych swjedźenjach w Sulšecach, Koćinje a Smjerdźacej ...

pjatk, 31. julija 2015 spisane wot:
Po wjesnych swjedźenjach w Sulšecach, Koćinje a Smjerdźacej swjeća hač do njedźele tež w Róžeńće. Nimo wjacorych sportowych aktiwitow wšitke tři dny (hlej sportowe pokiwy) je tam dźens wječor jedyn-euro-party a jutře wot 14 hodź. dźěćacy swjedźeń z dwěmaj skakanskimaj hrodomaj. Wječor přizamknje so Black-ice-party. Za njedźelu su sej zamołwići dalše překwapjenki přemyslili. Zańdźene dny běchu młodostni a dalši pilni pomocnicy ze wsy na swjedźenišću při putniskej łuce wšitko spřiho­towali, wčera dotwarištaj mjez druhim Bosćij Bjeńš a Stanij Šewc (wotlěwa) baru w małym stanje. Foto: Alfons Handrik

dale čitać ...

Dohromady 20 pólskich a němskich młodostnych, mjez nimi Kalista a ...

pjatk, 24. julija 2015 spisane wot:
Dohromady 20 pólskich a němskich młodostnych, mjez nimi Kalista a Katia (na foće), wobdźěla so tuchwilu na němsko-pólskej dźěłarničce grafiki w Běłowodźanskej staciji młodych přirodowědnikow a technikarjow. Wjercha Pücklerowy park w Mužakowje, stare město Budyšina a Hamorska milinarnja běchu wobdźělnikam z modelom. Tak nastachu zajimawe naćiski wo wi­dźanym. Wuslědki pokazaja jutře, sobotu, wot 16 hodź. w Běłowodźanskim komunikaciskim a přirodoškitnym centrumje při Ćežkej horje. Najrjeńše dźěła chcedźa w oktobrje w Běłowodźanskej lutowarni wustajeć. Foto: Joachim Rjela

dale čitać ...

Pytamy najrjeńše dowolowe foto

pjatk, 24. julija 2015 spisane wot:
Šulske lěto 2014/2015 je mjeztym hižo dwaj tydźenjej nimo, a šulerjo runje kaž wučerjo a starši maja zasłužene prózd­ni­ny a dowol. Wšojedne, dokal sej wy dojě­dźeće­ abo dolećiće, njezabudźće na swój fotoaparat, wšako měli so rjane a zajimawe woko­miki zapopadnyć a zwěč­nić. Na tele wobrazy su Serbske Nowiny tež lětsa zaso wćipne, wšako pytamy znowa najrjeńše dowolowe foto swojich čitarjow. Pósćelće swój najrjeńši wobraz e-mailnje­ na adresu abo z póštu redakciji Serbskich Nowin, Sukelnska 27, 02625 Budyšin. Redakciska­ jury změje potom zawěsće njelochki nadawk, tři najrjeńše fota mytować. Dobyćerjam přewostajimy swójbny zastupny lisćik za Małowjelkowski prazwěrjenc, w Ludowym nakładni­stwje wušłu knihu „Ze žohnowanjom na puć“ a tři zastupne lisćiki za Budyske kino.Marian Wjeńka

dale čitać ...

Na lětušim krajnym pozawnowym dnju Ewangelskeje cyrkwje ...

pjatk, 17. julija 2015 spisane wot:
Na lětušim krajnym pozawnowym dnju Ewangelskeje cyrkwje Berlin-Braniborska-šleska Hornja Łužica minjenu sobotu na zwjazkowej zahrodnej přehladce (Buga) w kraju nad Habolu wobdźělichu so tež pozawnowe chóry z Grodka, Lěšćow (Hornow), Derbna, Zakrjowa (Türkendorf) a Wjelceje. Stajnje nimale 80 hercow je na pjeć městnach Buga k rańšej hudźbje hrało. Po­połdniše swjatočne hudźenje zjednoći wšitkich 400 čłonow pozawnowych chórow w Rathenowje. Foto: Alexander Adam

dale čitać ...

Pytamy znowa najrjeńše dowolowe foto čitarjow Serbskich Nowin

pjatk, 17. julija 2015 spisane wot:

Tydźenja je so šulske lěto 2014/2015 skónčiło, a šulerjo runje tak kaž wučerjo a starši maja zasłužene prózdniny a dowol. Mnozy podadźa so tele dny z awtom k morju abo do horow, nastupja jězbu z wulkej pasažěrskej łódźu, doleća sej snano samo do dalokeho wukraja a tam najrjeńši čas lěta přežiwja. Chibazo wostanu w domiznje, hdźež móža so tež we łužiskej­ jězorinje abo prosće doma na zahrodźe wočerstwjeć.

Wšojedne, dokal sej wy dojědźeće abo dolećiće, njezabudźće na swój fotoaparat, wšako měli so rjane a zajimawe woko­miki zapopadnyć a zwěčnić. Na tele wobrazy su Serbske Nowiny tež lětsa zaso wćipne, wšako pytamy znowa najrjeńše dowolowe foto swojich čitarjow. Hač su to chowace so słónco za morjom, spektakularny napohlad w horach abo dźěćaca zabawa w domjacym swimmingpoolu – pósćelće swój najrjeńši wobraz e-mailnje na adresu abo z póštu redakciji Serbskich Nowin, Sukelnska 27, 02625 Budyšin. Njeza­budź­će nam napisać, hdźe je wobraz nastał kaž tež štó a što je na nim widźeć. Přichodne tydźenje chcemy po móžnosći prawje wjele z tychle wobrazow wozjewić.

dale čitać ...

Hotuja so na swój program

pjatk, 17. julija 2015 spisane wot:
Sulšecy (SN). Hdyž w delnich Sulšecach wot dźensnišeho hač do njedźele na swój wjesny swjedźeń přeprošeja, změja tež wjesne žony swój podźěl na tym, zo so wón derje poradźi. Wone mjenujcy jenož njepjeku a njewarja, ale wuhotuja tež njedźelu wot 15.30 hodź. swjedźenski program pod hesłom „Girls’ Day – za žony njeje to problem“. Za njón su tele dny hišće raz pilnje zwučowali. Po dźensnišim natočenju piwa a wubědźowanju „Poraž wobornikow!“ přizamknje so jutře w 14 hodź. třělenje jědnatkow wjesnych mustwow. Wječor budu reje. Po njedźelnym rańšim piwku započnu so w 11 hodź. dźěćace wubědźowanja. Wjeršk budźe popołdniši program žonow a modera­tora Heika Hariga.

dale čitać ...

Swjeća jubilej

štwórtk, 16. julija 2015 spisane wot:
Jaseńca. Z wjesnym swjedźenjom wot 17. do 19. julija zhladuja wobydlerjo Jaseńcy a jich hosćo na 650. róčnicu naspomnjenja wsy. Swjedźeń zahaja jutře, pjatk, w 19 hodź. z natočenjom piwa a z live-hudźbu kapały Fünf an der Feier. Něhdźe w 22 hodź. přizamknje so diskoteka z Ben Davisom. Sobotu zahwizdaja w 13 hodź. koparski turněr wjesnych mustwow. W 15.30 hodź. předstaja Jasčanske dźěći swój program, w 19 hodź. zahraja čłonojo Bjesady dźiwadłowy kruch. Wječor su wšitcy na reje z kapału Pardubická šestka přeprošeni. Dujerska hudźba zaklinči tohorunja njedźelu k rańšemu piwku. Cyły kónc ty­dźenja změja za wulkich a małych wopyto­wa­rjow pisany program ze skakanskim hrodom, šminkowanjom a dalše překwapjenki. Ćělne derjeměće­ budźe zaručene a zastup wšitke tři dny darmotny.

dale čitać ...

Poradźuje wo socialnych prašenjach

wutora, 14. julija 2015 spisane wot:
Budyšin. Wokrjesny radźićel Lěwicy a pra­wiznik Hajko Kozel přeprošuje jutře, srjedu, wot 14 hodź. na socialne poradźowanje do wobydlerskeho běrowa Lěwicy na Budyskej Šulerskej. Zhromadnje z w socialnym prawje wosebje wobhonjenym prawiznikom Gregorom Janikom pomha wón při rozrisanju pro­ble­mow, kotrež so často w socialnych prašenjach jewja, wosebje w zwisku z Hartz IV. Serbskich wopytowarjow poradźuje Hajko­ Kozel tež w jich maćeršćinje. Zajimcy njech dojednaja sej termin pod telefonowym čisłom 0171/ 282 54 94.

dale čitać ...

Pytamy znowa najrjeńše dowolowe foto čitarjow Serbskich Nowin

pjatk, 10. julija 2015 spisane wot:

Z přepodaćom wuswědčenjow kónči so dźensa šulske lěto 2014/2015, a šulerjo runje tak kaž wučerjo a starši wjesela so na prózdniny a dowol. Mnozy podadźa so přichodne dny z awtom k morju abo do horow, nastupja jězbu z wulkej pa­sažěrskej łódźu, doleća sej snano samo do dalokeho wukraja a tam najrjeńši čas lěta přežiwja. Chibazo wostanu doma, hdźež móža so tež we łužiskej jězorinje abo prosće na zahrodźe wočerstwjeć.

Wšojedne, dokal sej wy dojědźeće abo dolećiće, njezabudźće na swój fotoaparat, wšako měli so rjane a zajimawe woko­miki zapopadnyć a zwěčnić. Na tele wobrazy su tež lětsa zaso Serbske Nowiny wćipne, wšako pytamy znowa najrjeńše dowolowe foto swojich čitarjow. Hač su to chowace so słónco za morjom, spektakularny napohlad w horach abo dźěćaca zabawa při domjacym swimmingpoolu – připósćelće nam swój najrjeńši wobraz e-mailnje na adresu abo z póštu redakciji Serbskich Nowin, Sukelnska 27, 02625 Budyšin. Njezabudźće nam napisać, hdźe je wobraz nastał kaž tež štó a što je na nim widźeć. Přichodne tydźenje chcemy po móžnosći prawje wjele z tychle wobrazow wozjewić.

dale čitać ...

Fota Ericha Schutta we Wětošowje

pjatk, 03. julija 2015 spisane wot:
Wobrazy tež w Hornjej Łužicy znateho fotografa Ericha Schutta móžeš tuchwilu we Wětošowje­ wobdźiwać. Wětošow je ródne město dźensa 84lětneho, hdźež je wón wotrostł a rjemjesło fotografa nawuknył. Hannelore During (naprawo) je so na jednym foće spóznała. Mnohe tam pokazane wobrazy su požčonki Choćebuskeho Serb­skeho muzeja, wšelake motiwy z města su prěni raz widźeć. Foto: Peter Becker

dale čitać ...
strona 28 wot 28
dźěłowe městna w LND

aktualne wupisanja

nowostki LND