Wysoku poražku poćerpjeli

póndźela, 20. septembera 2021
artikl hódnoćić
(0 )
Njebjelčanski škitar Jurij Haška (naprawo) w dwuboju z Wojerowskim hrajerjom.  Foto: Werner Müller Njebjelčanski škitar Jurij Haška (naprawo) w dwuboju z Wojerowskim hrajerjom. Foto: Werner Müller

Wojerowski FC II – SJ Njebjelčicy 5:1 (3:0)

Zestawa hosći: Hahn – Haška, Reineke, Ričel (46. Kral), Matješk, Pawlik, Hanuza, Čornak, F. Domš, O. Domš, Korjeńk

Pola koparjow Njebjelčanskeje SJ wokomiknje wjele hromadźe njeběži. Přeco zaso pobrachuja někotři stajni hrajerjo, ale runje tak tón prawy zapal ke konstruktiwnemu bojej. Zo su Wojerowčenjo na techniskim polu lěpši cyłk, je dawno znate. To w hrě z dobrej bojownosću trochu narunać pak so Njebjelčanam tučasnje njeradźi. Na spočatku zhłójčkowa Handrij Korjeńk wólny kop Chrystofa Pawlika nimo wrotow, a po dobrej štwórć hodźinje sadźi kapitan Rony Hanuza z lěweje strony přihraty bul wyše wrotow. Hižo w 27. min. ležeše bul k zastatkej 1:0 w klětce. A dwě mjeńšinje na to wuběža wrotar Nico Hahn přezahe, a domjacy z 2:0 (29.) nawjedowachu. Přiwšěm hosćo cyle bjez šansow njeběchu. Tak přesadźi so Korjeńk ze soloběhom přez lěwu stronu hač do Wojerowskeje šěsnatki, tam pak wospjet zwrěšći. Jako Jurij Haška při wonkownej liniji bul zhubi, wuži to domjacy Marcel Bierholdt a prasny jón wysoko k 3:0 do hornjeho kuta (45.).

wozjewjene w: Sport
Prošu přizjewće so, chceće-li komentar podać

nawěšk