Widźał,słyšał, napisał (06.02.17)
Chcu so w swojim komentarje wěnować sportowej družinje, wo kotrejž so tu hewak husto njepisa, mjenujcy lodohokejej. Nastork za to bě mi mjez druhim foto Feliksa Hazy srjedź januara w SN. Widźeć bě, kak młodostni na wjesnym haće w Jaseńcy za pukom honja a kajke wjeselo jim tónle zymski sport wobradźa.
Wěmy drje, zo němska lodohokejowa narodna wubranka w orchestrje najlěpšich swěta na prěnich huslach njehraje. Tež klubowym mustwam, kaž tym z Berlina, Mnichowa, Kölna abo Mannheima, je so na europskich wubědźowanjach přećiwo cyłkam z Čěskeje, Ruskeje, Šwedskeje abo Finskeje jeno zrědka wuspěch poradźił.
Jako młodostny sym so wosebje za dwuboje mjez wubrankomaj ČSSR a ZSSR horił. Njezapomnite wostachu mi někotre kónčne hry na olympiskich hrach a swětowych mišterstwach mjez wonymaj mustwomaj. Wosobinsce wobžaruju, zo njewotměwaja so swětowe mišterstwa w lodohokeju wjace w zymje, ale nalěto. W meji njeje zajim za zymski sport hižo tajki kaž w februaru.
W treningowym lěhwje byli
Koparjo Sportoweje jednotki Njebjelčicy su tež lětsa zaso swoje kóždolětne zymske treningowe lěhwo w sportowej šuli Werdau pola Zwickauwa přewjedli. Cyłkownje 15 hrajerjow a zamołwitych so na nim wobdźěli.
Wuměnjenja, wjedro a wotběh lěhwa běchu nimale perfektne. Hižo prěni dźeń mějachu Njebjelčenjo prěnju treningowu jednotku w sportowej hali. Trochu škoda bě, zo njebě tamniši kumštny trawnik rumowany. Tak započa so treningowy dźeń z rańšim běhom. Na to sćěhowaše trening w hali a w fitnesowym rumje. Wažne bě, zo so mustwo dale a bóle skrući. Na třećim dnju wužiwachu koparjo potom wurjadne zymske wjedro. Dojědźechu sej do Klingenthala, hdźež sněhakowachu na dołhich čarach. Tu so pokaza, štó ma nimo hraća kopańcy hišće dalše talenty w sportowanju. Za někotrych bě pohibowanje na běžkach w loipje woprawdźita dračina. Po napinacej turje podachu so hrajerjo do sawny, zo bychu muskulaturu trochu za wječorne reje wočerstwili.
Ultraběhi
Sport (03.02.17)
Přećelski kruh přeprošuje
Koparski cyłk Přećelski kruh Němske Pazlicy přeprošuje na halowy koparski turněr, kotryž chcedźa 11. februara wot 9 do 13 hodź. w Kamjenskej sportowni při lětanišću přewjesć. Přeprošene su mustwa TSV Połčnica 1920, SSV Germania 92 Biskopicy (zakitowar pokala), ST Zeleno-běli Halštrow, ST Běła/Cunnersdorf, ST Natwar Němske Pazlicy Ü 35 a Natwar Němske Pazlicy.
Stafle kompletne
Pobrachowace dwacete mustwo za 35. sokołski volleyballowy turněr wo pokal Domowiny je so přizjewiło. Swobodne městno su Sorabiji Lipsk dali.
Koparski camp
Tež lětsa budźe w Němskich Pazlicach zaso koparski camp za holcy a hólcy w starobje 10 do 14 lět. Wot 2015 nawjeduje camp něhdyši hrajer Dynama Drježdźany Frank Richter. Rodźeny Kamjenčan je zhromadnje z Ronnyjom Wonnebergerom lěhwo za 55 dźěći wjedł. Za spěšnych knihowarjow do 31. měrca wučinja płaćizna 180, po tym 199 eurow na dźěćo. Přewjesć budu lěhwo wot 24. do 28. julija. Přizjewjena su pod info@sport-deutschbaselitz.de móžne abo pod čisłom 0163/3578785.
Přihotowanske koparske hry
04.02. 13:30 ST Hnašecy-Dobruša
– SJ Njebjelčicy (w Kamjencu)
04.02. 14:00 Union Sandersdorf
Blidotenis
1. wokrjesna liga – stafla 1
DJK Konjecy – Gersdorf/Möhrsdorf 9:6
DJK Konjecy 12 21:3 18
Módro-běli Njeswačidło 11 17:5 12
TTV 97 Kamjenc 11 16:6 10
SZ Großröhrsdorf 13 15:11 4
TuS Gersd.-Möhrsdorf II 12 13:11 2
TTV SR Wojerecy 11 9:13 -4
SZ Turbina Łuty 12 9:15 -6
TTC Wojerecy III 13 7:19 -12
Rakečanske ST 12 6:18 - 12
SZ Wallroda 11 5:17 -12
1. wokrjesna klasa – stafla 3
Čerwjene Noslicy II – SJ 1922 Radwor 1:14
ST Kubšicy III 13 26:0 26
TTV 90 Biskopicy II 12 21:3 18
ST 1922 Radwor 11 17:5 12
MSV BW Krakecy 13 13:13 0
ST Porchow II 12 11:13 -2
TSV Wóspork/Hrodźišćo IV 10 9:11 -2
TTV 90 Biskopicy III 12 8:16 -8
SG 1953 Čerwjene Noslicy II 11 5:17 -12
MSV Budyšin 04 VIII 10 4:16 -12
ST Bukecy II 10 0:20 -20
Jurij Bjeńš
Kombinowany cyłk sakski wicemišter
Tydźenja dojědźechu sej štyrjo hrajerjo Budyskeje FSG a třo volleyballisća sportoweho towarstwa Marijina hwězda do Ehrenfriedersdorfa južnje Kamjenicy, zo bychu jako kombinowany cyłk wo titul Sakskeho mištra seniorow w starobnej klasy nad 53 lětami wojowali. Před lětomaj zešlachći so předewzaće Budyskim volleyballistam, jako w swójskej hali Motor Thurm a BSV Ehrenfriedersdorf porazychu (SN wo tym rozprawjachu). Wobě mustwje běštej znowa pódla kaž tež seniorojo VZ Schönbacha. W turněrowej formje hraješe kóždy přećiwo kóždemu dwě dobyćerskej sadźbje. Wot dohromady šěsć partijow skónčichu so tři w rozsudnym třećim přechodźe. Mustwo Budyskich a Pančičanskich volleyballistow startowaše optimalnje a přesadźi so přećiwo Thurmskim hrajerjam w prěnjej sadźbje z 25:17. Kombinowany cyłk so spěšnje na so nastaji a taktisce derje harmonowaše. Tola w druhim přechodźe inwestowaše sportowy kontrahent wjace mocow do pólneho škita a wotwobara tak lěpje smeše hrajerjow z Łužicy. Wón rozsudźi sadźbu z 25:19 a přewza euforiju do poslednjeho wotrězka partije.
Skupiny za 35. sokołski volleyballowy turněr wulosowali
Jan Budar, direktor Załožby za serbski lud, je wčera popołdnju zhromadnje ze sobustawami předsydstwa Serbskeho Sokoła skupiny za 35. sokołski volleyballowy turněr wo pokal Domowiny wulosował. Do štyrjoch skupinow wulosowa Budar 19 přizjewjenych cyłkow a jedne mustwo, kotrež smě so hišće přizjewić. Na čole staflow steja najlěpše cyłki lońšeho turněra, mustwo z pólskeje Tokarnie lětsa sobu hrać njebudźe.
Hač do poprawneho přizjewjenskeho časa (31.12.16) je so 16 cyłkow přizjewiło, po tym hišće tři dalše. Tuž je so předsydstwo Serbskeho Sokoła na to dojednało, startowe polo na 20 mustwow rozšěrić. Za swobodne městno w skupinje D budu nětko zaměrnje mustwo pytać, zo by kóždy cyłk jenaku ličbu hrow měł. Na wupruwowanym modusu Sokoljo ničo změnić njebudu. Po skupinskich hrach chcedźa překřižne hry wuhrać, potom wo městna 5 do 20 hrać a naposledk finalne hry přewjesć. Wulke finale budźe znowa na wulkim polu wuhrate. Wo zastaranje budu so Sokołki a Sokoljo znowa sami starać. Hač budźe so dźěćaca zaběra poskićić móc hišće jasne njeje.
Njetrjebawšej poražce w Biskopicach
Dokelž bě krótko do hód hrajny dźeń w Biskopicach chorosće Biskopičanow dla wupadnył, dojědźechu sej volleyballisća z Marijineje hwězdy minjeny štwórtk do Biskopic k nachwatanskimaj hromaj. Nětko pak mějachu klóšterscy volleyballisća ćeže, hrajerjow hromadźe dóstać, dokelž tójšto chorosće abo dowola dla pobrachowachu.
ST Budyšin sewjer – ST Marijina hwězda 2:0 (21:20, 21:18)
Derje do přihotowanskich hrow startowali
ST Póst Germania Budyšin – SJ Chrósćicy 2:8 (1:4)
Za SJC zasadźeni: Králíček – Pöpel, Bětnar, Cyž, Sentivan, Teichmann, Młynk, Kunze, Runt, Schulze, Henčl, Žur, Věchet
Widźał,słyšał, napisał (31.01.17)
Minjeny kónc tydźenja steješe cyle w znamjenju zymskeho sporta, hdyž běchu wuměnjenja we Łužiskich horach tola hišće raz idealne za sankowanje, sněhakowanje abo hibanje na lodźe. Tež pola najlěpšich zymskich sportowcow napjatosć stupa, wšako přihotuja so wšitcy na sezonowe wjerški – swětowe mišterstwa w biatlonje, alpinym a nordiskim sněhakowanju w februaru a spočatk měrca. W skakanju je po wšěm zdaću Andreas Wellinger na najlěpšim puću, kaž wón njedźelu ze swojim dobyćom dopokaza. Tuž přemjenowachu žurnalisća městno skakanišća Willingen prosće na Wellingen.
