Njebjelčanski dorost z wulkim wjeselom trenował

póndźela, 11. meje 2020
artikl hódnoćić
(0 )
W Serbskich Pazlicach je koparski dorost zašły štwórtk po dołhej přestawce zaso prěni raz wonka pod hołym njebjom trenował. Wšitke infekciske naprawy su so dodźerželi.  Foto: Tadej Cyž-Njebjelčanski W Serbskich Pazlicach je koparski dorost zašły štwórtk po dołhej přestawce zaso prěni raz wonka pod hołym njebjom trenował. Wšitke infekciske naprawy su so dodźerželi. Foto: Tadej Cyž-Njebjelčanski

Po dołhej přestawce móžachu młodźi koparjo Njebjelčanskeje SJ minjeny štwórtk zaso za bulom honić, byrnjež je­nož­ jednu hodźinu a z wotpowědnymi wotstawkami. Přiwšěm bě wjeselo wulke. Trening, kotryž přewjedźechu w skupinach z pjeć hrajerjemi, bě jara dokładnje přihotowany. K tomu słušeše wězo tež wotpowědne powučenje wšitkich dźěći a staršich. Tak dyrbja dźěći mjez druhim po separatnym puću na sport­nišćo přińć a je tak tež zaso wo­pu­šćić. Dalše předpisy hodźa so tohorunja derje dodźeržeć. Wšako móža za trening cyłe sportnišćo wužiwać.

Wosebje wobchad z bulom, techniske nadawki kaž tež koordinaciske a atletiske zwučowanja stejachu w srjedźišću treningoweje jednotki. Techniske wukubłanje budźe tuž dale w małych skupinach. Dwuboje a dalše zwučowanja z ćělnym kontaktom njehodźa respektiwnje njesmědźa so hišće přewjesć. Chwalić ma so w tym nastupanju disciplina koparkow a koparjow. Trening chcedźa nětko­ w tej formje dale wjesć.

wozjewjene w: Sport
Prošu přizjewće so, chceće-li komentar podać

Serbska debata

nowostki LND