Do kina (05.11.15)
5.11.–11.11.2015: Spectre: wšědnje 14 hodź. (nimo štw, pó a srj), 16:15 a 19:45 hodź. | pj a so 22:45 hodź. Ritter Trenk: wšědnje 14:45 hodź. (nimo štw a srj) a 16:45 hodź. (nimo srj) | nj 12 hodź. Hotel Transsilvanien 2 w 3 D: wšědnje 14 hodź. (nimo štw a srj) Er ist wieder da: wšědnje 17:15 hodź. (nimo štw a pó) a 19:15 hodź. | pj a so 22 hodź. Hotel Transsilvanien 2: nj 12 hodź. The Last Witch Hunter: wšědnje 20 hodź. (nimo pó) | pj a so 22:30 hodź. Der Marsianer w 3 D: štw a nj 19:15 hodź. | pj a so 21:45 hodź. Fack ju Göhte 2: wšědnje 17:15 hodź. (nimo nj a srj) | nj 12:15 hodź. Alles steht Kopf: wšědnje 14:30 hodź. (nimo štw a srj) Alles steht Kopf w 3 D: wšědnje 16:45 hodź. | nj 12:15 hodź.
Kino-ekstra: Am grünen Rand der Welt: pó 14:45, 17:15 a 20:15 hodź.
Pokiwy (04.11.15)
Wustajeja w bance
Budyšin. „Jasym – molerstwo – grafika – plastika“ rěka hesło wustajeńcy Zwjazka serbskich wuměłcow, kotruž wotewru jutře, štwórtk, w 19.30 hodź. w Budyskej Ludowej bance na Hošic hasy. Widźeć budu twórby Iris Brankačkoweje, Isy Bryccyneje, Maje Nageloweje, Sophije Natuškec, Marion Kwicojc a Borbory Wiesnerec. Lawdaciju změje Sieghard Kozel.
Gmejnske rady so schadźuja
Worklecy. Hnydom tři gmejnske rady změja jutře, štwórtk, dalše posedźenje. Worklečanska schadźuje so w 19 hodź. w tamnišej šuli, Pančičansko-Kukowska samsny čas we Wotrowskej šuli a Njebjelčanska w 19.30 hodź. w gmejnskim centrumje. Posedźenja su zjawne.
Reje za nad 30lětnych
Chrósćicy. Na „Nad-30-reje“ přeproša młodźinski klub Chrósćicy wšitkich wo- ženjenych a nježenjenych, kotřiž su starši hač 30 lět, pjatk, 6. nowembra, wot 20 hodź. do swjedźenskeho stana při pěstowarni. Budyska kapała Jolly Jumper kaž tež DJ Matze wobrubitaj wječor ze šlagrami a rockowej hudźbu 70-, 80- a 90tych lět, ale tež z aktualnymi hitami. W derje wutepjenym stanje poskića nimo jědźow tež měšane napoje.
Pokiwaj (02.11.15)
Achim Mič přednošuje
Pančicy-Kukow. Swojich čłonow a dalšich zajimcow přeproša Domowinska skupina Pančicy-Kukow srjedu, 4. nowembra, w 19 hodź. do Pančičanskeje Stareje hospody. Tam přednošuje Sulšečan Achim Mič wo narodnych parkach w Zjednoćenych statach Ameriki.
Přednošk wo „Messiasu“
Smochćicy. Składnostnje znowawotewrjenja Budyskeje tachantskeje cyrkwje předstaja 21. nowembra Georga Friedricha Händelowy oratorij „Messias“ w Budyskej Marje-Marćinej cyrkwi. Ewangelske kantorstwo swj. Pětra a Drježdźanski barokny orchester jón přednjesetej. Jako zawod do tejele twórby poda cyrkwinski hudźbny direktor Michael Vetter jutře, wutoru, w 19.30 hodź. w Smochčanskim Domje biskopa Bena dohlad do twórby Händela. Zastup je darmotny.
We wobłuku projekta „Wuměłstwo a justica“ statneho ministerstwa ...
Pokiwy (30.10.15)
Na nazymski koncert
Hórki. Dźensa w 19.30 hodź. je nazymski koncert w Hórčanskim Młynkec hosćencu, kotryž wuhotuje skupina Wólbernosće. Přizamknu so reje.
SERVI koncertuje
Njeswačidło. Multimedialny koncert pod hesłom „Zynki barbow“, kotryž wuhotuje skupina SERVI, je jutře, 31. oktobra, w 17 hodź. w Njeswačanskej cyrkwi. Jan Bělk – tónkróć zhromadnje z Berlinskim percusionistom Peerom Trieblerom – chce ze swojej hudźbu, z wobšěrnej zwukowej techniku a projekcijemi swěcy stworić mosty mjez starodawnej swjatnicu a wuměłskimi srědkami dźensnišeho časa. Hudźba ma zdźěla swoje wuchadźišćo w mólbach Caroliny Eyckec.
Spěwy w putniskej hospodźe
Chrósćicy. Na swjedźenju Wšěch swjatych njedźelu, 1. nowembra, w 17 hodź. su wšitcy zajimcy na koncert w Chróšćanskej putniskej hospodźe přeprošeni. Młoda spěwarka z Pětrohroda Tatjana Bogomolowa zanjese tam meditatiwne ruske a słowjanske spěwy kaž tež wokalnu improwizaciju.
Chóraj znowa zhromadnje
Protyka (30.10.15)
Pjatk 30.10. 19:00 Hubertusowy swjedźeń Njebjelčanskeho domizniskeho towarstwa w „Bjesadźe“
19:30 Nazymski koncert ze skupinu Wólbernosće w Hórčanskim Młynkec hosćencu, po tym reje
Sobotu 31.10. 14:00 Hłowna wólbna zhromadźizna Serbskeho ewangelskeho towarstwa w Slepom
14:00 Serbske kemše na reformaciskim dnju w Janšojcach
17:00 Multimedialny koncert skupiny SERVI w Njeswačanskej cyrkwi
17:00 Halloweenparty we Wojerowskim zwěrjencu
Njedźelu 1.11. 9:30 Spožčenje myta Jana Husa w Ochranowje
10:00 Kemše z Božim wotkazanjom w Budyskej Michałskej cyrkwi
17:00 Wječor ruskich a słowjanskich spěwow w Chróšćanskej putniskej hospodźe
Póndźelu 2.11. 10:00 Delnjoserbska premjera NSLDź „Zgubjone a namakane“ w Picnjanskej bibliotece
Wutoru 3.11. 10:00 Inscenacija NSLDź „Zgubjone a namakane“ w Brjazynskej zakładnej šuli (w 12:30 w Bórkowskej zakładnej šuli)
Srjedu 4.11. 9:00 Inscenacija NSLDź „Zgubjone a namakane“ w Tšupčanskej zakładnej šuli (a w 11:00)
19:00 Předstajenje filma Pětra Symanka w Stróžanskim Domje tysac hatow wo minkach
Štwórtk 5.11.10:00 Inscenacije NSLDź „Zgubjone a namakane“
w Žylowskej zakładnej šuli
Rozhłós (30.10.15)
Njedźelu hornjoserbsce
11:00 Łužica w tymle tydźenju, mjez druhim z wjedrowanjom w nazymniku
11:20 Róžant w syći europskich putniskich městnow
11:45 Jedne lěto fararka w Slepom
12:00 Nabožne wusyłanje
(Daniel Dzikiewicz)
po tym Zbožopřeća
delnjoserbsce
12:30 Aktualny magacin, mjez druhim wo Lubinje a serbskim sydlenskim rumje
13:00 Koncertantna hudźba 13:30 Nabožne wusyłanje
(Antje Krawcojc)
13:40 Zbožopřeća
Do kina (29.10.15)
Pokiwy (28.10.15)
Přećiwo jědam na polu
Njebjelčicy. Z glyfozatom, najčasćišo předawanym pólnym jědom, zaběra so zarjadowanje jutře, štwórtk, w 19.30 hodź. w Njebjelčanskim gmejnskim centrumje. We wobłuku akcije „Urinale 2015“ porěči tam awtorka a sobuzałožerka nowiny taz Ute Scheub na temu „Jědy na polu? Ně, dźakuju so! – Za wnučkokmane ratarstwo“. Po měnjenju swětoweje strowotniskeje organizacije WHO glyfozat najskerje chorosć raka zawinuje. Na jutřišim zarjadowanju rozdźěleja urinowe probowe škleńčki, kotrež móžeš doma napjelnić. Za 45 eurow móžeš potom přepytować dać, w kotrej měrje je swójske ćěło z glyfozatom poćežene.
Wo wizuelnej identifikaciji
Pokiwy (26.10.15)
Pomoc samostatnym
Budyšin. Wšěm tym, kotřiž chcyli so zesamostatnić, poskića Industrijna a wikowanska komora (IHK) Drježdźany pomoc a poradu. Ze seminarom, wutoru, 27. oktobra, w 16 hodź. w Budyskim běrowje IHK rozjimuja mjez druhim tajke naležnosće kaž zdźěłanje financneho a předewzaćelskeho koncepta. Přizjewjenja su hišće móžne pod telefonowym čisłom 03591/35 13 04.
Chronikarjo so zetkaja
Chrósćicy. Župa „Michał Hórnik“ přeproša wšitkich wjesnych chronikarjow a dalšich zajimcow jutře, wutoru, w 19 hodź. do Chróšćanskeho Krawčikec hosćenca. Trudla Kuringowa přednošuje tam wo nabožno-narodnych pomnikach we Wotrowskej wosadźe.
Plastiki a mólby na sudnistwje
Budyšin. We wobłuku projekta „wuměłstwo a justica“ wotewru, srjedu, 28. oktobra, w 17 hodź. w Sakskim wyšim zarjadniskim sudnistwje na Budyskim hrodźe wustajeńcu z twórbami serbskeje wuměłče Borbory Wiesnerec.
Socialne poradźowanje
