Prěnje tři dypki sej zawěsćili

wutora, 24. awgusta 2021
artikl hódnoćić
(0 )
Simon Žur (při bulu, Chrósćicy) bě so njedźelu přeco zaso wo njeměr w škitnym rjećazu hosći z Weixdorfa postarał. Swoju prěnju domjacu hru noweje sezony móžachu Chróšćenjo dobyć.  Foto: Konstantin Hrjehor Simon Žur (při bulu, Chrósćicy) bě so njedźelu přeco zaso wo njeměr w škitnym rjećazu hosći z Weixdorfa postarał. Swoju prěnju domjacu hru noweje sezony móžachu Chróšćenjo dobyć. Foto: Konstantin Hrjehor

SJ Chrósćicy – SG Weixdorf 1:0 (0:0)

Zestawa domjacych: Králíček – F. Zahrodnik, Sentivan, M. Zahrodnik, L. Zahrodnik, Wiedemann (57. Handrik), Runt (81. Mark), G. Zahrodnik, Zynda (46. Mützner), Krawc, Žur

Druhi hrajny dźeń přichwatachu koparjo z Weixdorfa do Chrósćic. W minjenych lětach běchu hry stajnje wurunane a bojowniske. Po poražce w prěnim duelu lětušeje sezony chcychu sej Chróšćenjo tónkróć tři dypki doma zdźeržeć.

Wot spočatka wuwi so wurunana hra mjez šěsnatkomaj. Domjacy spytachu z wěsteje defensiwy agěrować a w ofen­siwje spěšnych nadběhowarjow do sceny sadźeć. Wosebje přez lěwu stronu so nowo­přichad Ludwig Wiedemann stajnje zaso derje přesadźi. Tola na kóncu falowaštej hišće dokładna přihrawka a třělwa. Wobě defensiwje derje steještej a skićeštej nadběhowarjam mało móžnosćow a rumow. Naspomnić pak so tež ma, zo mějachu nadběhowarjo mało idejow. Najwjetšu šansu prěnjeho połčasa měješe Pawl Krawc. Po flance Luciana Zahrodnika z lěweje strony třěli wón bul snadnje wyše wrotow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND