Pokalne předkoło wolejbulistkow Viktorije Worklecy

póndźela, 27. septembera 2021
artikl hódnoćić
(0 )
Worklečanki (za sakom w čornych trikotach) su wuspěšnje do noweje sezony startowali. W swójskej hali poradźi so jim zazběhowe dobyće 2:1 přećiwo hosćom z Hamora a Běłeje Wody. Foto: Jörg Stephan Worklečanki (za sakom w čornych trikotach) su wuspěšnje do noweje sezony startowali. W swójskej hali poradźi so jim zazběhowe dobyće 2:1 přećiwo hosćom z Hamora a Běłeje Wody. Foto: Jörg Stephan

Po lěto nimale trajacej přestawce smědźachu wolejbulistki Viktorije Worklecy na pokalne předkoło w domjacej sportowni přeprosyć. Přijěłoj stej mustwje TSV Kundraćicy a TSG Hamor/Běła Woda.

Viktoria Worklecy – TSG Hamor/Běła Woda 2:1 (19:25, 25:21, 17:15)

Wěsta nerwozita bě na započatku prěnjeje sadźby pola Worklečanskich hrajerkow pytnyć. Wšako njeběchu so hižo dołho při wysokim saku wubědźowali. Tak bě chowančam trenarja Stephana Mühla spočatna napjatosć na puću. Zastatk při dypkowym stawje 4:7 to wobkrući. Poněčim pak domjace swój rytmus namakachu. Přez jednotliwe sylne nadaća a nadběhi zawěsćichu sej wone wažne dypki a hrajny staw na chwilku zwjertnychu. Snadny předskok pak njemóžachu dołho dźeržeć. Tež timeout při dypkowym stawje 15:15 přećiwnika njezamyli swój rytmus dale dźeržeć. Sylne nadaća młodych hrajerkow z Hamora zadźěwachu konstantnemu wukonej Worklečankow. Žony mějachu ćeže, je derje přiwzać. To wužiwajo hosćo předskok dale na 15:20 wutwarichu. Hosćićelki prěnju sadźbu z 19:25 přěhrachu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND