Słušeja k najlěpšim dźesaćom swojeje klasy Němskeje

wutora, 16. nowembera 2021
artikl hódnoćić
(0 )
Měšane mustwo wolejbulistow starobneje klasy nad 53 lětami wokrjesa Budyšin je w Auerbachu we wobłuku němskich wolejbulowych mišterstwow wosme městno wobsadźiło. Zady wotlěwa Marko Kowar, Jörg Reimann, Gerald Urban, Gerald Bachmann, Steffen Rudolph a Torsten Ganßauge; prědku wotlěwa Hagen Reda, Pedro Liebsch, Peter Blümel a Hagen Handrick.  Foto: Marko Kowar Měšane mustwo wolejbulistow starobneje klasy nad 53 lětami wokrjesa Budyšin je w Auerbachu we wobłuku němskich wolejbulowych mišterstwow wosme městno wobsadźiło. Zady wotlěwa Marko Kowar, Jörg Reimann, Gerald Urban, Gerald Bachmann, Steffen Rudolph a Torsten Ganßauge; prědku wotlěwa Hagen Reda, Pedro Liebsch, Peter Blümel a Hagen Handrick. Foto: Marko Kowar

Spočatk nowembra wotmě Němski wolej­bulowy zwjazk (DVV) w sakskim Auerbachu mišterstwa muži starobneje klasy nad 53 lětami.

Dźesać wolejbulistow z třoch mustwow Budyskeho wokrjesa nastupi pod chorhoju Pančičanskeho sportoweho towarstwa w turněrje kwalifikowanych dźewjeć mustwow z Rostocka, Halle, Ulma, Rodheima, Lintorfa, Dürena, Bayreutha a hosćićela Göltzschtala. Třo z lětušich fina­listow stejachu minjene lěta hižo na do­byćerskim podesće.

Pančičenjo sami chcychu kwalifika­ciju skerje z rjanym dožiwjenjom wotzamknyć, hačrunjež běchu so w sakskim a naslědnym regionalnym kwalifikaciskim kole přesadźili. W prěnim přeběhu w Auerbachu mějachu so prěni dźeń z cyłkomaj z Lintorfa a Ulma rozestajeć. Prěnju hru přećiwo Lintorfej (wicemišter 2019) jasnje přěhrachu, zwrěšćiwši mjenje abo bóle na zmylkach při přijimanju.

W druhej partiji běše małke stopnjowanje pytnyć. Wosebje turněrowy bul firmy Mikasa je klóšterskim senioram přeco zaso ze swojej balistiku ćeže wobradźał. W Sakskej je mjenujcy bul firmy Molten hrajny nastroj.

wozjewjene w: Sport
Prošu přizjewće so, chceće-li komentar podać

nawěšk

  • „Njewěsta njewjesta“ rěkaše ptačkowasny program Serbskeho ludoweho ansambla 2022. Pokazali su jón ansamblowcy a ansamblowče jeničce tři razy w Chróšćanskej "Jednoće" – korony dla. Tule namakaće hišće někotre fotowe impresije lětušeho ptačokwasneho pr