Schongau (dpa/SN). 16lětny młodostny je so wčera w hornjobayerskim Schongauwje do gymnazija zadobył a tam dwě 13lětnej šulerce z nožom zranił. 17 mjeńšin po njeskutku poradźi so policiji amokowca přemóc a zajeć. Wón měješe tež pistolu při sebi, kotraž na zbožo prawje fungowała njebě. Skućićel běše po informacijach bayerskeho nutřkowneho ministra Joachima Herrmanna (CSU) bywši šuler gymnazija, kotryž měješe psychiske ćeže. Motiw njeskutka dotal znaty njeje.

Protestuja přećiwo planam VW

Wolfsburg (dpa/SN). W swojej centrali we Wolfsburgu schadźuje so dźensa předsydstwo koncerna VW, zo by wo připowědźenych lutowanskich planach wuradźowało. Dohromady je po cyłym swěće něhdźe 100 000 dźěłowych městnow wohroženych. Němskim zawodam w Šwikawje, Hannoverje, Emdenje a Neckarsulmje hrozy zawrjenje. Dźěłarnistwo IG metal a zawodna rada dźensa ze wšelakimi akcijemi před wšěmi zawodami VW přećiwo lutowanskim planam protestujetej.

Digitalny postup w parlamenće