Nizza (dpa/SN). W francoskim měsće Nizza spominaja jutře na nadpad amokowca před dźesać lětami. Tutón je 86 ludźi na pobrjóžnej promenadźe morił. W zwisku z róčnicu wuzběhny nawodnica měšćanskeje policije Sandra Bertin, zo je ju francoske nutřkowne ministerstwo tehdy nuzowało,­ zo ma wjetšu ličbu wěstotnych zastojnikow dokumentować, hač běše woprawdźe přitomnych. Wona běše za čas nadpada w lěće 2016 za widejowe wobstražowanje zamołwita. Tutych wuprajenjow dla dyrbješe wona tež před sudnistwo. Wumjetowanje wopačneho wobwinowanja přećiwo njej pak su sudnicy wotpokazali.

Wjetšina přećiwo šmórnjenju

Berlin (dpa/SN). Reprezentatiwne na­prašowanje slědźenskeho instituta Civey w nadawku organizacije za škit klimy GermanZero pokaza: Wjetšina Němcow je přećiwo skrótšenju financneho spěchowanja za ćopłotne klumpy, kotrež čorno-čerwjena koalicija planuje. 51 procentow naprašanych pohódnoća skrótšenje negatiwnje.

Wegner hižo njekandiduje